თბილისში სტუდენტების აქცია მიმდინარეობს. ახალგაზრდები წერეთლის მეტროსთან შეიკრიბნენ და გეგმავენ, მსვლელობით განათლების სამინისტროსკენ გადაინაცვლონ, სადაც “ოცნების” ხელისუფლების მიერ დაანონსებულ საგანმანათლებლო რეფორმას გააპროტესტებენ.
აქციის მონაწილეების თქმით, დაგეგმილი ცვლილებები განათლებას პრივილეგიად აქცევს და არა საყოველთაო უფლებად. სტუდენტები ამბობენ, რომ ახალი რეფორმა ზღუდავს განათლებაზე ხელმისაწვდომობას და სისტემას ისე ცვლის, რომ სწავლა დამოკიდებული ხდება ფინანსურ და სხვა შესაძლებლობებზე და არა ცოდნაზე და აკადემიურ უნარებზე.
ბოლო დროს მიღებულ კანონში ძალიან დიდ საფრთხეს ვხედავთ რეალურად. ამ კანონის შედეგად სტუდენტები ვეღარ შეძლებენ, აირჩიონ კერძო უნივერსიტეტები, იმიტომ, რომ კერძო უნივერსიტეტებში სწავლა, მოგეხსენებათ, სიედაც ძალიან დიდ თანხებთან არის დაკავშირებული და გრანტის გარეშე ეს კიდევ უფრო გართულდება. შესაბამისად, ახალგაზრდებს მოუწევთ, ჩააბარონ მხოლოდ სახელმწიფო უნივერსიტეტებში. თავი რომ დავანებოთ იმას, კონკურენცია როგორ გაიზრდება და რა შედეგებს მოიტანს, სახელმწიფო უნივერსიტეტებში, სადაც თავისუფლების ხარისხი ისედაც ძალიან დაბალია და კარგად ვიცით ფაქტები, როცა სტუდენტები პოლიტიკური ნიშნით იდევნებიან თუნდაც ლექტორების მხრიდან, მთავრობის ინტერესის გამტარი იქნება. ეს ძალიან დააზიანებს სოციუმს, – ამბობს სტუდენტი.
კერძო უნივერსიტეტებში სტიპენდიის გაუქმება ასევე არის თავდასხმა იმ ახალგაზრდებზე, ვინც იმსახურებს რომ ისწავლონ, მაგრამ სახელმწიფო მათ აღარ უწყობთ ხელს, აღარ აძლევს იმ დაფინანსებას, რაც შეიძლება, მათთვის მართლაც საჭირო და აუცილებელი იყოს. პრობლემა შეექმნება გაცვლით პროგრამებს, მათ შორის. ასე რომ, სტუდენტების დღეს აქ დგომა უზრუნველყოფს არა მხოლოდ ჩვენს მომავალს, არამედ ჩვენი უმცროსი დების, ძმების და ყველა შემდეგი თაობის, ვინც ჩვენს შემდეგ მოვა, – ამბობს სტუდენტი.
სტუდენტებთან ერთად “ოცნების” რეფორმას დღეს პროფესორ-მასავლებლებიც აპროტესტებენ. ისინი ყველა იმ პუნქტზე საუბრობენ, რომელიც, მათი აზრით საფრთხის შემცველია.
ეს არ არის რეფორმა, ამას ძალიან სწორი სახელი დაერქვა, ეს არის დეფორმა, იმიტომ, რომ აკეთებს ძალიან ბევრ ბოროტებას. ერთი, უნივერსიტეტს ართმევს ყველაზე მნიშნელოვანს, ეს არის თავისუფლება და თითმმართველობა, ანუ სტუდენტისთვის და ლექტორისთვის, პროფესორისთვის არსებობს უნივერსიტეტი და მათ უნდა მიიღონ ყველა ის გადაწყვეტილება, რომელიც ამას უკავშირდება. მეორე – ეს არის იზოლაცია დასავლური, წარმატებული უნივერსიტეტებისა და განათლების სისტემიდან მოწყვეტა, იმიტომ, რომ ეს ადამიანები არ გაიზარდნონ ისეთი წარმატებულები, რომ მერე საფრთხე შეექმნას ივანიშვილის რუსულ რეჟიმს, – ამბოს აქციის მონაწილე.
კომენტარები