“ერთი ფაკულტეტი – ერთი ქალაქი“ ასეთი პრაქტიკა არსად არ არსებობს. ასეთი, რომ არსებულიყო ამის მაგალითს ირაკლი კობახიძე აუცილებლად მოიყვანდა. შესაბამისად, ეს არის ქართული “ნოუ-ჰაუ“, რომლის ავტორი გახლავთ კობახიძე , – ამის შესახებ თბილისის სახელმწიფო უნივერსიტეტის პროფესორმა, მარინე ჩიტაშვილმა “პალიტრანიუსის“ გადაცემაში “თავისუფალი სტუდია“ განაცხადა.
ჩიტაშვილი აცხადებს, რომ საერთაშორისო პრაქტიკა არ იცნობს შემთხვევას, როდესაც მსგავსი მიდგომა განათლების ხარისხს აუმჯობესებს.
ჩიტაშვილის შეფასებით, გაუგებარია, რას ეფუძნება რეფორმა, თუ იგი საბოლოოდ დაასუსტებს ან დაშლის უნივერსიტეტს, რომელსაც ყველაზე მაღალი რეიტინგი აქვს.
“მიმდინარე რეფორმა, რომელიც გამოცხადებული იყო ჯერ კიდევ დეკემბერში, წარმოადგენს სრულ აბსურდსა და ნონსენს.
სრული პასუხისმგებლობით ვაცხადებ, რომ “ერთი ფაკულტეტი – ერთი ქალაქი“ ასეთი პრაქტიკა არსად არ არსებობს. ასეთი, რომ არსებულიყო ამის მაგალითს ირაკლი კობახიძე აუცილებლად მოიყვანდა. შესაბამისად, ეს არის ქართული ნოუჰაუ, რომლის ავტორი გახლავთ კობახიძე. აქედან გამომდინარე, ეს გაზრდის თუ არა განათლების ხარისხს, ჩემი პასუხი გახლავთ ის, რომ მსოფლიო პრაქტიკამ არ იცის ასეთი კონკრეტული შემთხვევა, რომელიც მიმართულია განათლების ხარისხის ზრდაზე. ამასთან, ეს არის საღ აზრთან წინააღმდეგობას და წარმოადგენს სრულიად გაუგებარ, ირაციონალურ აზრს.
კობახიძე ამბობს, რომ მას უნდა ქართველმა სტუდენტებმა მიიღონ ისეთი დონის განათლება, როგორიც არის საერთაშორისო რეიტინგებში მყოფ უნივერსიტეტებში. ამ წუთას საქართველოდან 3 უნივერსიტეტი არის, მათ შორის არის ილიას სახელმწიფო უნივერსიტეტი, რომელიც აკადემიურ სფეროში აღიარებული სისტემაში ყველაზე წინ არის წასული. ჩემი შეკითხვაა, რას ეფუძნება ირაკლი კობახიძის მიერ შემოთავაზებული რეფორმა, რომ ამით ის ქართულ სტუდენტებს მისცემს საშუალებას მიიღოს უკეთესი განათლება, რაც ამჟამად ისედაც გვაქვს, იმით რომ ის საბოლოოდ ანგრევს ან შლის იმ უნივერსიტეტს, რომელსაც ამ წუთას ყველაზე მაღალი რეიტინგი აქვს. ამრიგად, კობახიძის ნათქვამი არანაირ კავშირში არ არის საქართველოსთან არსებულ რეალობასთან. ის უბრალოდ ახორციელებს უმაღლესი განათლების საწინააღმდეგოდ მიმართულ რეფორმას, რომელსაც მოჰყვება უნივერსიტეტების ნგრევა და განათლების ხარისხის დაცემა მთელ საქართველოში“, – განაცხადა მარინე ჩიტაშვილმა.
მისივე თქმით, ქვეყანაში უკვე შელახულია უნივერსიტეტების ავტონომია და აკადემიური თავისუფლება. ჩიტაშვილი აცხადებს, რომ მოქმედმა ხელისუფლებამ კონსტიტუციის 27-ე მუხლი დაარღვია, რომელიც განათლების უფლებასა და აკადემიურ თავისუფლებას ეხება.
კომენტარები