„ერთი კითხვა მაქვს ივანიშვილთან… შენი წითელი პუტინისტები ხომ ადიდებდნენ ბერძნიშვილებს როდესაც ბლოკში მოგივიდნენ, როდის მერე გახდნენ შენთვის დასაგმობნი?“ – შალვა ნათელაშვილი

ლეიბორისტული პარტიის ლიდერი შალვა ნათელაშვილი ლევან ბერძენიშვილის ინცინდენტზე:

„მიუხედავად იმისა,რომ ჩვენსა და ძმებ ბერძენიშვილებს შორის ყოველთვის არსებობდა მკვეთრი იდეოლოგიურ–მსოფლმხედველობრივი უფსკრული აღშფოთებული ვარ იმით რასაც ბიძინასგან დაქოქილი პუტინის გოგო–ბიჭები აკეთებენ, კონკრეტულად ლევან ბერძენიშვილის მიმართ,ქუჩაში დახვედრის მარაზმატიკულობაზე არ შევჩერდები, ვფიქრობ ეს ყველა ნორმალურისთვის მიუღებელი უნდა იყოს,აი ლექციის წასაკითხად არ შეუშვა ლექტორი აუდიტორიაში, რაც არ უნდა გძულდეს—ეს უკვე ახალი უბედურებაა ჩვენს თავს. რაც შეეხება ერეკლეს მისსავე სიცოცხლეში იყო პოლიტიკური ფრთა ელიტაში, რომლებიც რუსეთზე კურსის აღებას ღალატს უწოდებდა და ამისთვისაც დასჭირდა მის ნათესავს,გენიალურ ბარათაშვილს პოემა—-ბედი ქართლისას დაწერა.საერთოდ არა მარტო ქართულ არამედ მსოფლიო პოლიტიკაში შედარებით ცნობილ პოლიტიკოსებზე ყველგანაა თითქმის გაჟერებული მოღალატის იარლიყიც გენიალობასთან ერთად.ასე,რომ ნუ შევჭამთ ადამიანს ასეთი აზრისთვის. ბოლოს ერთი კითხვა მაქვს ივანიშვილთან—–შენი წითელი პუტინისტები ხომ ადიდებდნენ ბერძნიშვილებს როდესაც ბლოკში მოგივიდნენ, ხოლო შემდეგ მათი პარტიის ლიდერებს პარლამენტი და თავდაცვის სამინისტრო ჩააბარე და თან მილიონი ჩურიცხე. როდის მერე გახდნენ შენთვის დასაგმობნი?“