“ერთი ისე მოუკლან იმას შვილი და დავუდგები გვერდით და ვკითხავ – აბა, თქვი კიდევ პოლიტპატიმარია, გავათავისუფლოთ?… – თამაზ მოლაშვილი

სულხან მოლაშვილის მამამ თამაზ მოლაშვილმა  „იმედის კვირასთან“  საუბრისას  ასეთი რამ თქვა: –  სააკაშვილზე იმის თქმა, რომ პოლიტპატიმარია, სირცხვილია.

“მიშა სააკაშვილზე თქმა იმისა, რომ პოლიტპატიმარია, სირცხვილია! ჩემი შვილი 4 წლამდე ციხეში ჰყავდათ. რა წამება, რა ტანჯვა გადაატანეს იმას, ჩვენ მერე ვიგებდით-ხოლმე. ხანდახან ტელევიზორში ვხედავ ერთ პიროვნებას – პოლიტპატიმარია, გაათავისუფლეთ! აი, როგორც მე მომიკლეს შვილი, ერთი ისე მოუკლან იმას შვილი და დავუდგები გვერდით და ვკითხავ – აბა, თქვი კიდევ პოლიტპატიმარია, გავათავისუფლოთ?…რა არის იცით? სხვისი ჭირი ღობის ჩხირია – ასე ცხოვრება არ შეიძლება! მე არ ვეუბნები, რომ მოდი და ერთი ამბავი ატეხე-მეთქი, მაგრამ დააყენე მაინც ენა, შენ, დალოცვილო!“, – განაცხადა თამაზ მოლაშვილმა იმედის ეთერში.