ექიმი დავით ჩახუნაშვილი საქალაქო სასამართლოში მაგისტრატ მოსამართლესთან გამოკითხვაზე მივიდა. როგორც მან, გამოკითხვამდე ჟურნალისტებთან განაცხადა, მათ კვლევაში, ის ნივთიერებები, რომლებზეც BBC-ის მიერ გაკეთებულ რეპორტაჟშია საუბარი, არ არის ნახსენები.
„გამოკითხვაზე, რაზეც შემიძლია ვისაუბრო არის სტატია, მასში გამოყენებული მასალები და ის მიგნებები, რომელიც ამ სტატიამ გამოამჟღავნა. სხვა დეტალები არ არსებობს. გამოკვლეული გვყავს დაახლოებით 69 ადამიანი, რომლებმაც მიიღეს უშუალო მონაწილეობა ლაბორატორიულ და ინსტრუმენტულ კვლევაში.
BBC- სთვის ინტერვიუ არ მიმიცია, თუმცა ამ სტატიის ერთ-ერთი მკვლევარი ვარ და სხვა მკვლევარებიც არიან დაბარებულები. ნებისმიერი ადამიანი, რომელიც ამ სტატიასთან კავშირში იყო, ალბათ ყველას დაიბარებენ.
რეპორტაჟში გამოითქვა ჰიპოთეზა, რომელსაც თავის განმარტება აქვს. ამ ჰიპოთეზას სჭირდება სხვადასხვა დოკუმენტები და გარემოებები.
ჩვენს კვლევაში გამოკვლეულ ადამიანებს, ვისაც აქციების შემდგომ რაიმე სიმპტომები უგრძელდებოდათ, გარკვეული ცვლილებები აღენიშნებოდათ სხვადასხვა პარამეტრში. ამ ინფორმაციის გავრცელების შემდეგ, თურმე იმაზე ბევრად მეტი ადამიანი ყოფილა დაზარალებული, ვიდრე ჩვენს კვლევაში აღმოჩნდა, ალბათ ჩვენ ხმა ვერ მივაწვდინეთ, რომ კვლევებში ჩართულიყვნენ.
BBC-ის რეპორტაჟში ნახსენები ნივთიერებები „კამიტე“ და „თი-სი-ი“ ჩვენს კვლევაში ნახსენები არ ყოფილა”, – განაცხადა დავით ჩახუნაშვილმა.
კომენტარები