“ექიმები კი არა ქაჯები დამხვდნენ” – რა მოხდა ქობულეთის რეფერალურ საავადმყოფოში?

ქობულეთში მცხოვრები ქ. გოგიტიძე, სოციალურ ქსელში წერს:

ორი დღეა თავს შეუძლოდ ვგრძნობ, მაწუხებს უძალობა, სუნთქვის გაძნელება. მყავს ორი მოზარდი შვილი და რისკის ჯგუფის წარმომადგენელი დედა (დიაბეტით). გადავწყვიტე დროეულად მიმემართა ექიმებისთვის, რადგან შემეშინდა, და ეს დღეს არც უნდა იყოს გასაკვირი. მივედი ქობულეთის რეფერალურ საავადმყოფოში, სადაც დამხვდა არა ექიმები, არამედ ქაჯები.

პირველი რამაც გამაღიზიანა იყო მორიგე ექიმის დახვედრა (სახელი სამწუხაროდ აღარ მახსოვს), რომელმაც დამიყვირა და მითხრა რომ თუ სიცხე არ გაქვს რატომ მოხვედიო, იმის მაგივრად რომ ისე დამხვედროდა როგორც საჭიროა. ცხადია, ავუხსენი რომ თავის დაზღვევის მიზნით გადავწყვიტე მოსვლა და მინდოდა რენტგენის გადაღება.

მეორე შოკი მივიღე როდესაც მითხრეს რომ რენტგენი ღირს 104 ლარი. დიახ, 104 ლარი. იქვე ვკითხე, მეთქი ასეთი მაღალი ფასი როდიდან გახდა ან რატომ? რა თქმა უნდა, პასუხის ნაცვლად შემომთავაზა განახევრებული ტარიფი, 52 ლარი. ცხადია, უარი ვთქვი 104 ლარზეც და 52 ლარზეც. არ დავმალავ, არ მქონდა საკმარისი თანხა. „საყოველთაოთი“ 15 ლარს ვიხდი ხოლმე და ახლა 6-ჯერ და 3-ჯერ მეტის გადახდას ვერ შევძლებდი.

ის ხალხი, ვინც ვიჩენთ პასუხისმგებლობას, დროულად მივმართავთ შესაბამის უწყებებს და ვცდილობთ ნაკლებად შევუქმნათ ქვეყანას დაბრკოლება, ასეთი ფაქტების წინაშე ვდგებით, და წარმოდგენაც არ მინდა, ალბათ, რამდენ ადამიანს მოექცნენ ასე. არც სხვა დროს გამოირჩევიან დიდი ზრდილობითა და პატივისცემით.

იმის იმედით წასული, რომ ექიმს გავესინჯებოდი და თავს დავიზღვევდი, წამოვედი ისევ ისეთი მდგომარებით სახლში. მივმართავ საქართველოს მთავრობა -ს, დევნილთა, შრომის, ჯანმრთელობისა და სოციალური დაცვის სამინისტრო -ს, პრემიერს გახარია -ს, აჭარის ჯანდაცვის სამინისტრო / Ministry of Health & Social Affairs of Ajara -ს აჭარის ჯანდაცვის მინისტრს მიაქციოს ქობულეთს ყურადღება, კერძოდ რეფერარულ საავადმყოფოს, მათი ვალდებულებაა მიიღონ პაციენტები სიცხით და სიცხის გარეშეც!”