შეერთებული შტატების წამყვანმა ინფექციონისტმა, ექიმმა ენტონი ფაუჩიმ განაცხადა, რომ აშშ მომავალ გაზაფხულზე კორონავირუსის პანდემიას გაკონტროლებს და “ნორმალურ მდგომარეობას” დაუბრუნდება, თუ მოსახლეობის “აბსოლუტური უმრავლესობა” იქნება აცრილი. ამის შესახებ გამოცემა CNN წერს.
თეთრი სახლის მთავარი მრჩეველი CNN–ს მას შემდეგ ესაუბრა, რაც სურსათისა და წამლის ფედერალურმა ადმინისტრაციამ Pfizer-ის ვაქცინას სრული ავტორიზაცია მიანიჭა.
”ჩვენ ვიმედოვნებთ, რომ ამას მივაღწევთ, მაგრამ არ არსებობს ამის გარანტია, ვინაიდან ეს ჩვენზე არ არის დამოკიდებული”, – აღნიშნა ფაუჩიმ.
კითხვაზე, თუ მოსახლეობის რამდენ პროცენტს დასჭირდება ვაქცინაცია პანდემიის კონტროლის გასაკონტროლებლად, მან განაცხადა, რომ ზუსტი რიცხვის დასახელება შეუძლებელია.
“თუკი შევძელით იმ დარჩენილი 80-90 მილიონი ადამიანის უმრავლესობის აცრა, ვინც ჯერ ვაქცინირებული არ არის, თავს იკავებს იმუნიზაციისგან, ან ჯერ არ ჰქონია ამის საშუალება, ვფიქრობ, გვირაბის ბოლოს სინათლის სხივის დანახვა შეგვეძლება” – განაცხადა სამშაბათს ექიმმა ფაუჩიმ.
მან ასევე მოუწოდა საავადმყოფოებს და ჯანდაცვის მუშაკებს უფრო მეტად გამოიყენონ ანტისხეულების მკურნალობა, რამაც შეიძლება ჰოსპიტალიზაცია და სიკვდილიანობა 85%-მდე შეამციროს.
კომენტარები