“ენმ”-ის რომელმა ლიდერმა მიაკითხა გრიგოლ ვაშაძეს სახლში?

„ნაციონალური მოძრაობიდან“ წასულ გრიგოლ ვაშაძესთან ცოტა ხნის წინ სახლში კობა ნაყოფია მივიდა.

პარტიის მოქმედი წევრს არ დაუკონკრეტებია, რა საკითხზე უნდა ისაუბროს ყოფილ თავმჯდომარესთან. ინფორმაციას და კადრებს „რუსთავი2“ ავრცელებს.

დღეს, 15 დეკემბერს, „ნაციონალური მოძრაობის“ თავმჯდომარემ, გრიგოლ ვაშაძემ გაავრცელა განცხადება, რომ პარტიას ტოვებს და ვერ იქნება იქ, სადაც შეცდომებზე სწავლა არ შეუძლიათ.

„პრობლემა მდგომარეობს იმაში, რომ მე არ შემიძლია ვიყო იქ, სადაც ვერ ვხედავ შეცდომებზე სწავლის შესაძლებლობას და სურვილს. შეიძლება ვცდები. მივენდოთ მომავალს. ვფიქრობ, რომ ჩვენ მომავალი ძალიან მალე განგვსჯის“.

ვაშაძემ ასევე დაგმო ელჩებზე თავდასხმაც, რომელიც რამდენიმე დღეა არ წყდება ოპოზიციური სპექტრის მხრიდან.

„შეუძლებელია ღრმა აღშფოთებას არ იწვევდეს ჩვენი სტრატეგიული მოკავშირეების დიპლომატიური მისიების ხელმძღვანელთა წინააღმდეგ გაჩაღებული თავდასხმებისა და შეურაცხყოფის კამპანია, რომელიც გაუგებარია ვინ და რა მიზნით წამოიწყო. ამით ადგება უდიდესი ზიანი საქართველოს ურთიერთობებს აშშ-სთან, ევროკავშირთან და ევროკავშირის წევრ სახელმწიფოებთან“.