იტალიაში მცხოვრები ქართველი ემიგრანტი, ფსიქოლოგი და ჯგუფ „უფასო ფსიქოლოგიური დახმარება“- ს შემქმნელი, იტალიის საემიგრაციო საზოგადოებაში ქველმოქმედებით ცნობილი და ქართული დიასპორის ერთ-ერთი აქტიური გულშემატკივარი, თეონა ბოტკოველი ემიგრანტების მისამართით წერილს აქვეყნებს.
თეონა ბოტკოველის თქმით, მას იტალიური მედიიდან ინტერვიუს ჩაწერის შეთავაზება მიუვიდა, რომელსაც სიამოვნებით დასთანხმდა. ემიგრანტებს კი იმ პრობლემების დასახელებას მოუწოდებს, რომელიც ყველაზე მწვავედ დგას მათ ყოველდღიურობაში და რომელზეც ის იტალიურ მედიასთან ისაუბრებს.
„იტალიურ პრესას სურს ჩემთან ინტერვიუ, სიამოვნებით დავთანხმდი.
ხუმრობა იქით იყოს, მაგრამ ჩემს ემიგრანტ მეგობრებს იტალიაში, ვთხოვ დაწერონ ყველაზე დიდი პრობლემა, რაც შეიძლება გაჟღერდეს ჩვენს შესახებ, მე კი ვიცი რაზე ვისაუბრებ, მაგრამ შემიძლია ვიყო მედიატორი და პრესას მივაწოდო, ქართული ემიგრაციის ყველაზე მტკივნეული პრობლემები იტალიაში. გმადლობთ თანამშრომლობისთვის. “ – წერს თეონა ბოტკოველი.
კომენტარები