ფოტო – ტვ პირველი
ტვ პირველის ინფორმაციით, დანაშაულებრივი სქემის მსხვერპლი ქართველი ემიგრანტები არიან. ათეულობით ჩვენი ქვეყნის მოქალაქე იტალიაში მოტყუებული, გაკოტრებული და ღია ცის ქვეშაა დარჩენილი. ემიგრანტების თქმით, თაღლითური სქემის ორგანიზატორი ასევე საქართველოს მოქალაქეა, რომელიც ემიგრანტებს იტალიაში დასაქმებას დიდი ფულის სანაცვლოდ პირდება, რეალურად კი ატყუებს და თვეების განმავლობაში ქართველებს უმძიმეს პირობებში აცხოვრებს.
ქართველი ემიგრანტები ყვებიან, რომ ვინც თაღლითური სქემის ორგანიზატორის მიერ დაწესებულ ხარკს, 400 ევროს არ გადაიხდის, მაშინ საქმეში ე. წ. ქურდები ერთვებიან. მიმდინარეობს სიცოცხლის მოსპობის მუქარა და შანტაჟი, რის გამოც დაზარალებულები ხმის ამოღებას თვეების განმავლობაში ვერ ბედავდნენ. ახლა კი გადაწყვიტეს, რომ არ გაჩუმდნენ და პოლიციაში დამსაქმებელის წინააღმდეგ საჩივარი საჩივარზე შედის. იტალიელი სამართალდამცველების მიერ თაღლითური სქემის ორგანიზატორი იდენტიფიცირებულია.
კომენტარები