ჩვენ პლაზმის გამოყენების შესაძლებლობას არ ვზღუდავთ, – ამის შესახებ ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა, ეკატერინე ტიკარაძემ უწყებათაშორისი საკოორდინაციო საბჭოს სხდომის დასრულების შემდეგ გამართულ ბრიფინგზე განაცხადა.
მისი თქმით, რამდენიმე კლინიკა იყენებს პლაზმურ თერაპიას ჩვენი პაციენტების სამკურნალოდ.
„ჩვენ პლაზმის გამოყენების შესაძლებლობას არ ვზღუდავთ, თუმცა ეს არის ექსპერიმენტული თერაპია და აქედან გამომდინარე, მისი გამოყენება, ვიდრე არ მოხდება დადასტურება, რომ პლაზმა არის ერთ-ერთი და ერთადერთი ის სამკურნალო გზა, რომელიც ეფექტურად აისახება პაციენტების ჯანმრთელობაზე, იმპერატიულად ჯანდაცვის სამინისტრო ამაზე ვერ მოახდენს რეაგირებას, რაც მოთხოვნაა. თუმცა ექსპერიმენტის ფარგლებში, თენგიზ ცერცვაძე და კიდევ რამდენიმე კლინიკა იყენებენ პლაზმურ თერაპიას ჩვენი პაციენტების სამკურნალოდ“, – განაცხადა ეკატერინე ტიკარაძემ.
კომენტარები