სპეცოპერაცია თბილისსა და რეგიონებში – ქურდულ სამყაროსთან წევრობის ბრალდებით დაკავებულ 8 პირს ბრალი წარედგინათ. არცერთი პირი ბრალს არ აღიარებს.
ყველას სამშენებლო ბიზნესში პარტნიორებს შორის დაწყებული დავის – ე.წ. ქურდული წესებით გარჩევას ედავებიან. იდენტიფიციებულია იმ ე.წ. კრმინალური ავტორირებების ვიანაობაც, ვინც დავა ქუჩური წესებით გადაწყვიტა. ერთ-ერთი ე.წ. კრიმინალური ავტორიტეტი და “ქართული ოცნების” ახლო გარემოცვის წევრი ნოდარ შუკაკიძე იგივე “ნოდო გლდანსკია”, შავი სამყაროს წარმომადგენელი, რომელიც არჩევნების დროს “ოცნების” ერთ-ერთი საყრდენია და რომლის სახელსაც გავრცელებულ ფარულ ვიდეო-ჩანაწერშიც ახსენებენ.
მეორე “კრიმინალური ავტორიტეტი” ნიკა გითოლენდიააა. სწორედ შავი სამყარო ეს ორი წარმომადგენელი კურირებდა საქმეს სკაიპის მეშვეობით.
გამოძიებამ პასუხისგებაში მისცა 8 პირი, თუმცა თავად “კანონიერი ქურდებით” არ დაინტერსებულა, ბრალი არ წარუდგენიათ ნოდარ შუკაკიძისთვის, რომლის სახელი და გვარი გლდანში ირაკლი ეძგვერაძეზე თავდასხმას უკავშირდება.
კრიმინალურ სამყაროსთან კავშირს უარყოფს ერთ-ერთი დაკავებული ბაძაღუა, რომელიც, ადვოკატის თქმით, დაზარალებულთან მუშაობდა კომპანიაში.
“ბაძაღუა მუშაობდა კომპანიაში დაზარალებულთან. ნოდარ შუკაკიძესთან კი არა არცერთ ქურდთან კავშირი არ ჰქონია. კრეფსები გვაქვს გადმოცემული და არსად არ არის, რომ ჩაერია”- ამბობს ადვოკატი.
გამოძიებით დადგინდა, რომ უცხო ქვეყნის მოქალაქესა და ერთ-ერთ დაკავებულს შორის, სამშენებლო ბიზნესიდან გამომდინარე ფინანსური დავა წარმოიშვა. სადაო თანხა შეადგენდა 130 000 ლარს.
თავის მხრივ, დაკავებულმა თ.ჩ.-მ, დასახმარებლად ასევე, კრიმინალურ ავტორიტეტებს მიმართა. კრიმინალურმა ავტორიტეტებმა, საქმის კურსში ჩააყენეს „კანონიერი ქურდები“ – ნიკა გითოლენდია და ნოდარ შუკაკიძე. ამის შემდგომ „ქურდული გარჩევა“ მოაწყვეს და ერთ-ერთ მოდავე მხარეს მეორის, ასევე, თავიანთ სასარგებლოდ განსაზღვრულ დროში გარკვეული თანხის გადახდა დააკისრეს.
პოლიციამ, ბრალდებულების პირადი და საცხოვრებელი სახლების ჩხრეკის შედეგად, ნივთმტკიცებად ამოიღო მობილური ტელეფონები, რომელთა საშუალებითაც ისინი ერთმანეთს და საზღვარგარეთ მყოფ „კანონიერ ქურდებს“ უკავშირდებოდნენ.” აცხადებს შსს.
საქმეზე გამოძიება საქართველოს სისხლის სამართლის კოდექსის 223-ე პრიმა მუხლის პირველი ნაწილით, 223-ე ტერცია მუხლის მე-2 ნაწილით და 223-ე კვარტა მუხლის პირველი ნაწილით მიმდინარეობს. დანაშაული სასჯელის სახედ თავისუფლების აღკვეთას 10-წლამდე ვადით ითვალისწინებს.
კომენტარები