მთავარი არხის ინფორმაციით, გურიაში, ქალზე ქმარი სისტემატიურად ძალადობდა. 24 წლის ი. ქ. მედიასთან ამბობს, რომ კაცი სისტემატიურად სცემდა.
“ძროხებს ვეძებდი და მაგ დროს დამარტყა მუცელში მუშტი, ძროხები რომ გამექცა” – ამბობს ის მედიასთან.
ბოლო კონფლიქტი ქალის ოჯახის წევრების თანდასწრებით მოხდა, ოჯახმა პოლიციას მიმართა, ი.ქ.–ს დედა, მედიასთან ამბობს:
“ავიწროებდა, ურტყამდა, მე არ ვიცოდი. 2-3 დღეა გავიგე. მითხრა, რომ თქვენი მოკვლით მემუქრებოდაო. დედას და მამას რომ უთხრა, დაგიხოცავ ოჯახსო”
სავარაუდო ძალადობის მსხვერპლი ქალი ამჟამად, მშობლებთან იმყოფება. პოლიციამ კაცი სწორედ დააკავა. საქმე 126-ე პრიმა მუხლითაა აღძრული, რაც ოჯახურ ძალადობას გულისხმობს.
კომენტარები