ტრენდული

“თუ რუსეთი ხელს მოაწერს ამ შეთანხმებას აღიარებს უკრაინის გამარჯვებას და საკუთარ მარცხს” – გიორგი თავდგირიძე
ახალი ამბები

“იყო თუ არა პუტინი სი ძინპინის პირადი პროექტი, სის ჩინეთის “ყინულმჭრელი”? – გიორგი თავდგირიძე

ავტორი - ალია
21:07 05-16-2022
0

სამხედრო საქმის ექსპერტი, გიორგი თავდგირიძე: "საინტერესო საკითხია, იყო თუ არა პუტინი სი ძინპინის პირადი პროექტი, სის ჩინეთის "ყინულმჭრელი"? უკრაინის გამარჯვება...

“უკრაინელი ჯარისკაცი აზოვსტალის ქარხანაში, მზის სხივი რამდენიმე თვის შემდგომ პირველად ნახა…” – რუსლან შავაძე

“უკრაინელი ჯარისკაცი აზოვსტალის ქარხანაში, მზის სხივი რამდენიმე თვის შემდგომ პირველად ნახა…” – რუსლან შავაძე

14:44 05-16-2022
“მოსაყდრე” მალე ან მთელ სინოდს მონებად აქცევს, ან ნელ-ნელა გაუყენებს გზას, პატრიარქი უკვე იზოლირებული ჰყავთ” – გამზარდია

“მოსაყდრე” მალე ან მთელ სინოდს მონებად აქცევს, ან ნელ-ნელა გაუყენებს გზას, პატრიარქი უკვე იზოლირებული ჰყავთ” – გამზარდია

00:15 05-14-2022
“სუსის ნომრიანი აგენტი, ბრეგაძე, ახალი დავალებით დაუტვირთავთ” – ნიკა მელია

“სუსის ნომრიანი აგენტი, ბრეგაძე, ახალი დავალებით დაუტვირთავთ” – ნიკა მელია

02:30 05-13-2022
ჩვენ, ოპოზიციონერები, ძალიან სუსტად გამოვიყურებით და ჩვენი ქმედება, კრიტიკას ვერ უძლებს – ბურჯანაძე

ჩვენ, ოპოზიციონერები, ძალიან სუსტად გამოვიყურებით და ჩვენი ქმედება, კრიტიკას ვერ უძლებს – ბურჯანაძე

20:08 05-12-2022
  • რეკლამა
  • კონტაქტი
18:21, სამშაბათი, 17 მაისი, 2022
  • ახალი ამბები
  • ექსკლუზივი
  • ბიზნესი
  • რედაქტორის რჩევით
  • გურმანი
  • სხვადასხვა
  • არქივი
არაფერი მოიძებნა
იხილეთ ყველა შედეგი
არაფერი მოიძებნა
იხილეთ ყველა შედეგი
მთავარი ახალი ამბები

„ძალიან საინტერესოდ დგას საკითხები ამ მიმართულებით“ – რას ამბობს რუსეთ-უკრაინის ომზე ვახტანგ მაისაია

ალია ავტორი - ალია
21:49 05-05-2022
- ახალი ამბები, რედაქტორის რჩევით
A A
0
Facebook-ზე გაზიარება
2,525

ლევან ჯავახიშვილი

„ალიას“ ესაუბრება პოლიტოლოგი, უსაფრთხოებისა და სამხედრო საკითხების ანალიტიკოსი, ვახტანგ მაისაია.

– ბატონო ვახტანგ, ვითარება იძაბება მოლდოვასა და მის სეპარატისტულ რეგიონში – დნესტრისპირეთში, სადაც სეპარატისტულმა ხელისუფლებამ საყოველთაო მობილიზაცია გამოაცხადა. მოლდოვას პრემიერმა, მაია სანდუმ  ნეიტრალიტეტზე, ფაქტიურად, უარი განაცხადა და მოლდოვას რუმინეთთან შეერთების მივიწყებული საკითხი წამოსწია. ვრცელდება ინფორმაცია, რომ დნესტრისპირეთიდან დაარტყამს უკრაინას რუსეთი ადგილობრივი და საკუთარი სამხედრო  ძალებით. ასევე, სხვა ინფორმაციით, რუსეთი შეიძლება შეიჭრას დნესტრისპირეთში, სრულად გააკონტროლოს  ეს რეგიონი და მერე დამოუკიდებელ სახელმწიფოდ აღიაროს.  ასეთ შემთხვევაში, უკრაინელები სამხედრო დახმარებას პირდებიან მოლდოვას ხელისუფლებას, აცხადებენ, რომ იბრძოლებენ დნესტრისპირეთში, რათა რუსები განდევნონ იქიდან. რაში აწყობს  უკრაინასთან ომში ჩაბმულ რუსეთს დნესტრისპირეთში ბრძოლა? და უკრაინა რას მოიგებს ან  წააგებს ამით?

– პირდაპირ რომ ვთქვათ, ორივეს ინტერესებში შედის ამგვარი სცენარი.  ვერ ვიტყვი, რომ უკრაინელების ინტერესებში არ შედის. არესტოვიჩისა და უკრაინის ხელისუფლების სხვა წარმომადგენლების განცხადებებით თუ ვიმსჯელებთ, ისინი ოკუპირებულ დნესტრისპირეთს უყურებენ, როგორც სამხედრო საფრთხეს, საიდანაც უკრაინის მიმართულებით შეიძლება განხორციელდეს თავდასხმები. მეორეს მხრივ, რუსეთისთვისაც ეს მნიშვნელოვანი მომენტია, რადგან დნესტრისპირეთში სიტუაციის  არევა,  რუსეთს საშუალებას მისცემს, იქ ჯარები გააგზავნოს და რუსეთის  სამხედრო ძლიერების დემონსტრირება მოახდინოს. შესაძლებელია, რუსეთმა ნიკოლაევიდან მასირებული შეტევა განახორციელოს, რუსეთის არმიამ დამატებითი ტერიტორიების ოკუპაცია მოახდინოს და მიებჯინოს დნესტრისპირეთს. მოკლედ, ძალიან საინტერესოდ დგას საკითხები ამ მიმართულებით და  ვნახოთ, როგორ განვითარდება მოვლენები.

– უკვე გაცხადებულია რუსეთის გეგმების ნაწილი უკრაინასთან ომში – დონბასის რეგიონის აღება და  სრული კონტროლი, მარიუპოლის და თავისთავად, ლუგანსკისა და დონეცკის ჩათვლით. სხვა რა გეგმები შეიძლება ჰქონდეს რუსეთს და ამ ეტაპზე, რუსეთ–უკრაინის ომის დამდგარი შედეგების მიხედვით? რამდენად შეძლებს რუსეთი ამ გაცხადებული და ფორსირებული გეგმების შესრულებას?

– როგორც ჩანს, რუსები უკრაინის სამხრეთი ნაწილის მთლიან ანექსიასაც აპირებენ, მარტო ოკუპაციაზე აღარ არის საუბარი. 14–15 მაისს, ხერსონის ოლქში აპირებენ რეფერენდუმის ჩატარებას, ყირიმის რეფერენდუმის მსგავსად, რომ ხერსონმა დამოუკიდებლობა გამოაცხადოს და მერე რუსეთმა  მისი დამოუკიდებლობა აღიაროს. რუსეთის ძირითადი იდეაა, დონეცკისა და ლუგანსკის თვითაღიარებული რესპუბლიკების სრულად დაკავება, ე.წ. ნოვოროსიის რაღაც ახალი გაერთიანების შექმნა, რაღაც ბუფერული ტიპის ზონის შექმნა უკრაინასთან. უკვე გვერდით, სამხრეთ უკრაინაში ზაპოროჟიეს, ხერსონისა და თუნდაც ნიკოლაევის ტერიტორიების არა ოკუპაცია, არამედ ანექსია. არ გამოვრიცხავ, ოჩაკოვო და ოდესაც გაიყოლონ და უფრო ფართო ტერიტორიული  ერთეული ჩამოაყალიბონ სამხრეთში.  ეს ტერიტორიები რუსეთს იმისთვის სჭირდება, რომ შექმნან ახალი გუბერნია რუსეთის კონტროლქვეშ და პირდაპირი სახმელეთო კავშირი დაამყარონ რუსეთთან. ასევე, ოდესის დაპყრობით, შავ ზღვაზე განიმტკიცოს პოზიციები. მოკლედ, რუსეთს სურს უკრაინის აღმოსავლეთისა და სამხრეთის სრულად გაკონტროლება და რა ტერიტორიებსაც მოიცავს  ეს სამხრეთ–აღმოსავლეთი, მისი უკრაინისთვის ჩამოჭრა, რამდენად შესაძლებელია ამის განხორციელება, ძნელი სათქმელია, რადგან დღეს რუსეთის ჯარი, რბილად რომ ვთქვათ, არაკომფორტულ მდგომარეობაშია უკრაინასთან ომში.

– უკრაინამ უკვე მძიმე და შეტევითი იარაღი მიიღო მსოფლიოს სხვა და სხვა ქვეყნებისგან. ასევე, ამერიკის კონგრესმა დაამტკიცა „ლენდ ლიზის“ პროგრამა და მის ფარგლებში უკრაინა შეუზღუდავად მიიღებს თანამედროვე ამერიკულ იარაღს და ლოჯისტიკურ საშუალებებს. ამის შემდეგ, რამდენად  რეალურია, რუსეთის ამ ამბიციური გეგმის განხორციელება?

– ეს უკვე მნიშვნელოვნად ცვლის ვითარებას. უკრაინა რასაც ადრე ითხოვდა, იმაზე მეტი და უკეთესი შეიარაღება უკვე მიიღო და დამატებით, „ლენდ ლიზის“ პროგრამით მიიღებს. ამით, უკრაინას ექნება შესაძლებლობა, რომ უკრაინის შეიარაღებული ძალები რუსეთისას გაუთანაბრდეს. კი, რუსეთის სამხედრო პოტენციალი 3 თუ 5 თავით მაღლა დგას უკრაინისაზე, მაგრამ რუსეთმა უკრაინაში შეიყვანა შედარებით მცირე ზომის კონტინგეტი, დაახლოებით 200 000 ჯარისკაცი, რომელიც უკრაინის შეიარაღებული ძალების რაოდენობასაც ვერ აჭარბებს, რომელსაც 350 ათასიანი ჯარი ჰყავს. რუსებს იმის საშუალება არ აქვთ, რომ დიდად გაზარდონ ეს ცოცხალი ძალა, რადგან მის 850 ათასიანი არმიას, სხვა საქმე და ფუნქციები აქვს. ყველაფერს თავი დავანებოთ, რუსეთს 14 ქვეყანა ესაზღვრება და, წარმოიდგინეთ, რამდენი ჯარისკაცი სჭირდება ამ საზღვრების დასაცავად. ასევე, რუსეთს გააჩნია შეიარაღებული ძალების სახეობები, რომელთაც არ და ვერ გამოიყენებს უკრაინასთან ომში. შესაძლოა, მცირე რაოდენობის ცოცხალი ძალა დაამატოს  რუსეთმა უკრაინაში გაგზავნილ სამხედრო დანაყოფებს, მაგრამ არა იმდენი, რომ ერთი დაკვრით და მოკლე დროში აისრულოს ის გეგმები, რაზედაც ზემოთ ვისაუბრე. უკრაინისთვის კი იარაღის ამ დოზით მიწოდება, გამოიწვევს ძალთა ბალანსის გათანაბრებას მაინც, უკრაინას შეტევითი ოპერაციების განხცორციელების საშუალება მიეცემა, არ არის გამორიცხული, უკუაგდონ რუსი ოკუპანტების და გარკვეული ტერიტორიებიც დაიბრუნონ.

– ჩინეთმა რუსეთ–უკრაინის ომში, მოულოდნელად, ნეიტრალიტეტი დაიკავა. არადა, ომის დაწყებამდე, ჩინეთი რუსეთს თანადგომას უცხადებდა.  პუტინი პეკინში რომ შეხვდა ჩინეთის ლიდერს, სინ ძინ პინს, ძალიან იმედიანად დაბრუნდა პეკინიდან. რა მოხდა, რატომ შეიცვალა ჩინეთმა პოზიცია?

– აქ შეიძლება ერთი რამ ვთქვათ, ჩინეთი, როგორც ჩანს, ემზადება საკუთარი გეო–სტრატეგიული ინტერესების რეალიზაციისთვის. ჩინეთს საკმაოდ მძიმე გეო–სტრატეგიული ფონი აქვს. შეიქმნა, ე. წ. წყნარი ოკეანის ნატო. ამერიკამ, დიდმა ბრიტანეთმა და ავსტრალიამ უსაფრთხოების სფეროში თანამშრომლობის პაქტი გააფორმეს. ეს არის სამხედრო–პოლიტიკური ბლოკი, რომელიც პირდაპირ ჩინეთის წინააღმდეგ არის მიმართული. ეს ერთი. მეორე არის ტაივანის პრობლემა. ჩინეთს აქვს გარკვეული ამბიციები, რომ ჰიბრიდული ომის მეშვეობით დაიბრუნოს ტაივანი. აქ უკვე პირდაპირ დაპირისპირებაშია ამერიკასთან. ჩინეთი ვარაუდობს, რომ დასავლეთმა, შესაძლოა, მისთვისაც მოიცალოს. ამერიკის ხელისუფლებამ გააკეთა განცხადება, რომ შესაძლოა, ჩინეთსაც დაუწესეს სანქციები, თუ რუსეთის სანქცირებულ კომპანიებთან ითანამშრომლებენ და რუსეთს ნებისმიერი სახის სამხედრო დახმარებას აღმოუჩენს. ეს ცოტა არ იყოს, ღიმილის მომგვრელი განცხადებაა. ჩინეთი რუსეთი არ არის, დღეს მსოფლიოში მეორე ეკონომიკა აქვს ამერიკის მერე და 5 წელიწადში ამერიკას გადაასწრებს, მსოფლიოში ყველაზე დიდი და ძლიერი ეკონომიკა ექნება. თუ პირიქით, ჩინეთმა გამოუცხადა ამერიკას და ევროკავშირს სანქციები, ამით ვინ წააგებს და ვინ მოიგებს, ეს იქნება გასარკვევი. ის სანქციები, რაც რუსეთზე ეფექტურად მოქმედებს, ჩინეთზე არ იმოქმედებს ანალოგიურად. ამერიკა თუ რუსეთს მოერევა და ამის დიდი ალბათობა არსებობს, ჩინეთთან კბილებს წაიმტვრევს. ჩინეთის ეს, ერთი შეხედვით, ნეიტრალიტეტი იმით აიხსნება, რომ ქვეყანა ეროვნული ინტერესების შესაბამისად მოქმედებს, დასავლეთთან ღია კონფრონტაციაში არ შედის. თან, რუსეთის გაძლიერება დიდად არ უნდა ჩინეთს. თუმცა, საინფორმაციო ომში ჩინეთი რუსეთს უჭერს მხარს. ასევე, სერბეთისთვის გადაცემული 6 სტრატეგიული თვითმფრინავის გადაცემა, ერთგვარი მუშტის დარტყმაა დასავლეთისთვის მისთვის საკმაოდ მგრძნობიარე არეში. ჩინეთისა და სერბეთის სტრატეგიული თანამშრომლობის დაწყება იმის ნიშანია, რომ ჩინეთსაც შეუძლია საბრძოლო მოქმედებების წარმოება ევროპის კონტინენტზე. ამით ჩინეთმა ხელთათმანი გადაუგდო ამერიკელებს და ზოგადად, დასავლეთს.

თეგები: ვახტანგ მაისაია

კომენტარები

რედაქტორის რჩევით

“პუტინი თუ შემხვდა, იტყვის, მაპატიე, შევცდიო და მეც ვეტყვი, მეც შევცდი, რომ ვკლავდით ერთმანეთს…” – ემზარ კვიციანი
ახალი ამბები

“პუტინი თუ შემხვდა, იტყვის, მაპატიე, შევცდიო და მეც ვეტყვი, მეც შევცდი, რომ ვკლავდით ერთმანეთს…” – ემზარ კვიციანი

20:32 05-12-2022
ვიცი, რამდენსაც იხდის ხელისუფლება, რომ ოპოზიცია შეიყვანოს პარლამენტში და ისიც ვიცი, ამ პარტიების გარდა, კიდევ ვის ევაჭრება, რომ შეათრიოს იქ – ინტერვიუ სანდრო ბრეგაძესთან
ახალი ამბები

„როდესაც დამონებული ხარ, ღირსება აყრილი ხარ, „დაჩმორებული“ ხარ და მარტო მშვიდობა გაქვს, ღირს ასეთი მშვიდობა?“ – სანდრო ბრეგაძე

22:06 05-10-2022
„რუსეთამდე  600 წლით ადრე გაქრისტიანდა საქართველო  და მაგათი მისაბაძი რა გვჭირს?“ – ჯუმბერ კირვალიძე
ახალი ამბები

„რუსეთამდე 600 წლით ადრე გაქრისტიანდა საქართველო და მაგათი მისაბაძი რა გვჭირს?“ – ჯუმბერ კირვალიძე

22:15 05-09-2022
„უსაფრთხოების სამსახურში მასალები 4 კატეგორიად იყოფა“ – რომელი კატეგორიის მასალებმა გამოჟონა და ვის მიუწვდებოდა მასზე ხელი?
ახალი ამბები

„ძალიან საინტერესოდ დგას საკითხები ამ მიმართულებით“ – რას ამბობს რუსეთ-უკრაინის ომზე ვახტანგ მაისაია

21:49 05-05-2022

ბიზნესი

„იმპექსის“ სააფთიქო ქსელი ჰიპერტენზიის მსოფლიო დღეს განსაკუთრებული შეთავაზებების კვირეულით აღნიშნავს
ბიზნესი

„იმპექსის“ სააფთიქო ქსელი ჰიპერტენზიის მსოფლიო დღეს განსაკუთრებული შეთავაზებების კვირეულით აღნიშნავს

10:20 05-17-2022
„თეგეტა ჰოლდინგი“ გაეროს საგზაო უსაფრთხოების გლობალური კვირეულის მხარდამჭერია
ბიზნესი

„თეგეტა ჰოლდინგი“ გაეროს საგზაო უსაფრთხოების გლობალური კვირეულის მხარდამჭერია

19:36 05-16-2022
ახალი ლიბერთი ბიზნესისთვის ლიბერთის ახალი ინიციატივა რეგიონებში – ,,ბიზნეს დიალოგი“
ბიზნესი

ახალი ლიბერთი ბიზნესისთვის ლიბერთის ახალი ინიციატივა რეგიონებში – ,,ბიზნეს დიალოგი“

18:37 05-13-2022
გოგონა სკაუტები „თეგეტას“ ზრუნვის პლატფორმაზე
ბიზნესი

გოგონა სკაუტები „თეგეტას“ ზრუნვის პლატფორმაზე

02:17 05-12-2022
  • ახალი ამბები
  • ექსკლუზივი
  • ბიზნესი
  • რედაქტორის რჩევით
  • გურმანი
  • სხვადასხვა
  • არქივი

Powered By || My Software || © 2021 Alia.ge - All rights reserved

არაფერი მოიძებნა
იხილეთ ყველა შედეგი
  • ახალი ამბები
  • ექსკლუზივი
  • ბიზნესი
  • რედაქტორის რჩევით
  • გურმანი
  • სხვადასხვა
  • რეკლამა
  • კონტაქტი

Powered By || My Software || © 2021 Alia.ge - All rights reserved