ბათუმში მომხდარ ტრაგედიას მომღერალი, თემო საჯაია გამოეხმაურა და აღნიშნა, რომ მსგავსი ტრაგედია პირადად აქვს გამოცდილი.
„ვუსამძიმრებ დაღუპულთა ოჯახებს და სრულიად საქართველოს…
პირადად ჩემთვის ძალიან რთული იყო ამ ყველაფრის ყურება, რადგან თავად ვარ ასეთ ტრაგედიაში ნამყოფი, როდესაც 2009 წლის 25 აპრილის ღამით „ვარსკვლავების აკადემიის“ შენობა დაინგრა და სასწაულებრივად გადავრჩით მონაწილეები, მაგრამ ორი მემონტაჟე გარდაიცვალა.
მაშინ არანაირი გაშუქება და რეაგირება არ მოჰყოლია ამ ფაქტს, მიზეზი მარტივი იყო, მაშინდელი ხელისუფლების მაღალი თანამდებობის პირების კომპანიები იყვნენ დანაშაულის „შემკვეთ-შემსრულებლები“…
იმედს ვიტოვებ, დღეს ნათელი მოეფინება ამ ტრაგედიის გამომწვევ მიზეზებს და ყველა დამნაშავე დაისჯება, რადგან აღარ მოხდეს მსგავსი ტრაგედიები…
კიდევ ერთხელ ვუსამძიმრებ სრულიად საქართველოს…“, – წერს საჯაია.
კომენტარები