ძალიან კარგი გადაწყვეტილებაა, თუ ბიძინა ივანიშვილმა იპოდრომი დედაქალაქს გადასცა. ამის შესახებ საბურთალოზე გაერთიანებული ოპოზიციის მაჟორიტარი დეპუტატობის კანდიდატმა ირაკლი ოქრუაშვილმა “2020NEWS”-თან საუბრისას განაცხადა.
„ძალიან კარგი, თუ ბიძინა ივანიშვილმა ასეთი გადაწყვეტილება მიიღო და იპოდრომის ტერიტორია ქალაქს უსასყიდლოდ გადასცა. იმედია, ამას ქალაქი გამოიყენებს საბურთლოელების, ვაკელებისა და მთლიანად, ქალაქელების საკეთილდღეოდ.
არ გამოვრიცხავ, რომ ბიძინა ივანიშვილს ამ გადაწყვეტილების მიღება ჩვენს მიერ გაკეთებულმა განცხადებებმაც აიძულა“, – განაცხადა ოქრუაშვილმა.
შეგახსენებთ, გაერთიანებული ოპოზიციის საბურთალოს მაჟორიტარი დეპუტატობის კანდიდატი ირაკლი ოქრუაშვილი აცხადებდა, რომ მისი დეპუტატად არჩევის შემთხვევაში, იზრუნებდა, სახელმწიფოს ბიძინა ივანიშვილისაგან მის საკუთრებაში არსებული იპოდრომის ტერიტორია გამოესყიდა და ეს ადგილი რეკრიაციულ ზოდან ექცია.
შეგახსენებთ, დღეს ცნობილი გახდა, რომ ბიძინა ივანიშვილმა ეს ტერიტორია სახელმწიფოს უსასყიდლოდ დაუბრუნა.
კომენტარები