ადვოკატთა ასოციაციის ყოფილი თავმჯდომარე ზაზა ხატიაშვილი სოციალურ ქსელში მიმართვას ავრცელებს:
,,პატივცემულო კოლეგებო! გაიზიარეთ ყველამ და გამომეხმაურეთ! დუმილი არის სირცხვილი!
ივანიშვილის რეჟიმმა დაიწყო ადვოკატის ინსტიტუტის იუსიტიციის სამინისტროს შემადგენლობაში გადატანის მცდელობა,როგორც ეს არის რუსეთში, ყაზახეთში,ბელორუსიაში, იყო საბჭოთა კავშირში.
საჭიროა დავდგეთ პროფესიის დამოუკიდებლობის სადარაჯოზე! გელოდებით,ხვალ ყველა ადვოკატს ვისთვისაც ადვოკატის ინსტიტუტის დამოუკიდებლობა არის მნიშვნელოვანი 17: 00 საათზე, პრემიერ-მინისტრის სამფლობელოს წინ,თავისუფლების მოედანზე, საქართველოს მთავრობის კანცელარია,პ.ინგოროყვას # 7
ივანიშვილის რეჟიმმა პირდაპირ ვერ გაბედა, ადვოკატის ინსტიტუტის დანგრევა ამიტომ დაიწყეს საზოგადოებრივი ადვოკატის ინსტიტუტის დაქვემდებარებიდან, პრემიერ მინისტრზე. რაში უნდა დასჭირდეს პრემიერ-მინისტრს იურიდიული დახმარების სამსახურის დაქვემდებარება? იურიდიული დახამრების სამსახურის შემადგენლობაში დასაქმებული არიან ადვოკატები ,რომლებიც არიან ადვოკატთა ასოციაციის წევრები, დამოუკიდებელი პროფესიის მქონე პიროვნებები.ერთადერთი ინსტიტუტი რომელიც დგას ფეხზე არის ადვოკატის ინსტიტუტი, ადვოკატებს გამოგვაქვს ინფორამცია უკანონოდ დაკავებულ,ნაწამებ პირებზე, ვეხმარებით მათ, საქმეებს ვიგებთ ევროპის ადამიანის უფლებათა სასამართლოში, არ ვჩერდებით ძალადობაზე. კოლეგებო! ჩვენ ამ ქვეყანაში ჩვენი გაფიცვებით მოვაღწიეთ პროფესიის დამოუკიდებლობას! საადვოკატო საქმიანობა გავხადეთ უსაფრთხო. კოლეგებო! არ მივცეთ ივანიშვილის რეჟიმს იძალადოს ადვოკატთა კორპუსზე! იურიდიული დახმარების სამსახურის დაქვემდებარებით მოგვდგებიან ყველა ადვოკატს! კოლეგებო, დიდი როლი მიმიძღვის იურიდიული დახმარების სამსახურის სამინისტროს შემადგენლობიდან გამოყვანაში, ალბათ გახსოვთ ჩემი ბრძოლის ისტორია. ძალიან დიდ პატივს ვცემ იურიდიული დახმარების სამსახურის ადვოკატებს,რომლებიც ემსახურებიან თავის საქმეს პირნათლად.ჩვენ ვართ ადვოკატები! ჩვენ ვერ გაგვყოფენ!
კოლეგებო! ძალა ერთობაშია!“
კომენტარები