„დროა საქართველოს უახლესი ისტორიოგრაფია გასცდეს “კეთილი ზვიადისა” და “ბოროტი შევარდნაძის” დაპირისპირების ნარატივს“

„საქართველოს საზოგადოებრივ საქმეთა ინსტიტუტის“ (GIPA) პროფესორი, თორნიკე შარაშენიძე სოციალურ ქსელში წერს:

„კორონას ერთ-ერთი კარგი შედეგი იმის გააზრებაც იქნება რომ შევარდნაძის დროს საჯარო სამსახურში ბევრი წესიერი ადამიანი მუშაობდა.

და იმედია დამთავრდება ისეთი ზიზღიანი და ბოლშევიკური ფრაზების სროლა როგორიცაა “შევარდნაძის ნარჩენები.”

სხვა თუ არაფერი, ვარდების რევოლუციაც ამ შევარდნაძის გამოზრდილებმა მოაწყეს.

და პრევენციულად ვითხოვ შევარდნაძის ფანის იარლიყს ნუ მომაკრავენ. მე საქართველოს უახლესი ისტორია კარგად ვიცი და ბარე ორზე უკეთ ისიც ვიცი რა ბოღმა ხასიათი ჰქონდა საქართველოს მეორე პრეზიდენტს (რატომღაც მას ასე არასდროს იხსენიებენ ხოლმე, მაშინ როცა პირველსა და მესამეს ახსენებენ ასე, აღმატებულად და აღტაცებულ ტონში). მაგრამ ეს არ ცვლის ზემოთნახსენებ ფაქტებს.

და საერთოდ ისტორიის პროფანაცია სახიფათოა, რადგან შეცდომების გააზრებაში გვიშლის ხელს. დროა საქართველოს უახლესი ისტორიოგრაფია გასცდეს “კეთილი ზვიადისა” და “ბოროტი შევარდნაძის” დაპირისპირების ნარატივს.“