“დროა, გახარიამ ამათ მეფესთან უჩივლოს” – მერაბ მეტრეველი

გამოვლენ, რომელიმე პოლიტკოს, ან პარტიას მძიმე დანაშაულში დასდებენ ბრალს (მაგალითად აწყობდა სახელმწიფო გადატრიალებას ჯარისკაცებთან და პოლიციელებთან ერთად, ან საბურავებს აგროვებდნენ, „საბურავების რევოლუცია“ უნდა მოეწყოთ), რომ კითხავ, მაშინ რატომ არ იძიებს ამას პროკურატურა, პასუხია: პოლიტიკური განცხადებაა.

მერე დასდებენ ბრალს ნარკოტიკის მოხმარებაში. კითხავ, რა ფაქტები გაქვს? რა ფაქტები გინდათ, პოლიტიკური განცხადებააო.

ახლა გვიანონსებენ, კიდევ სასწაულ დანაშაულში უნდა ვამხილოთ ჩვენი ყოფილი პრემიერიო და თან კარგი დეტექტივის სიუჟეტივით ყოველ დღე წვეთ-წვეთად გვაწვდიან ჩადენილ დანაშაულთა ნუსხას, (ყველაფერს ერთად ვერ გვეტყვიან, სიუჟეტს განვითარება ხომ ჭირდება?). მალე კვანძის გახსნას გვპირდებიან, მოვა დრო და ყველაფერს ღიად ვიტყვითო.

და რომ იტყვიან, მერე რა მოხდება? ფაქტებს წარმოადგენენ? გამოიძიებენ და დაიჭერენ გახარიას? თუ ისევ გვეტყვიან: ეს ჩვენი პოლიტიკური განცხადებაა და თავად იმართლოს გახარიამ თავიო?

აბა გამოიცანით!

დროა, გახარიამ ამათ მეფესთან უჩივლოს.”