აშშ-ის პრეზიდენტის, დონალდ ტრამპის განცხადებით, ვაშინგტონში თავდასხმის შედეგად დაჭრილი ეროვნული გვარდიის ერთ-ერთი წევრი გარდაიცვალა.
აშშ-ის პრეზიდენტის თქმით, 20 წლის სარა ბექსთრომი დღეს საავადმყოფოში გარდაიცვალა, 24 წლის ენდრიუ ვულფი კი სიცოცხლისთვის იბრძვის.
ამასთან, ტრამპმა განაცხადა, რომ ადმინისტრაცია განიხილავს სროლაში ეჭვმიტანილის, ავღანეთის მოქალაქე რაჰმანულა ლაკანვალის ოჯახის დეპორტაციის საკითხს.
ცნობისთვის, თეთრ სახლთან ეროვნული გვარდიის ორი წევრი ცეცხლსასროლი იარაღით დაჭრეს. ტრამპმა მომხდარს ტერორისტული აქტი უწოდა.
კომენტარები