დონალდ ტრამპი ვენესუელაზე შეტევის მეორე ტალღას არ გამორიცხავს. ამის შესახებ მან საგანგებო ბრიფინგზე ისაუბრა.
აშშ-ს პრეზიდენტის თქმით, თუ ვენესუელის მთავრობა არ იქნება მზად, ქვეყანაში სამართლიანობა აღდგეს, ის ჯარისკაცებს ხელმეორედ გააგზავნის.
ტრამპმა ასევე ნავთობის საკითხზეც ისაუბრა. მისი თქმით, ამერიკელი სპეციალისტები მიზიდან უზარმაზარ დოვლათს ამოიღებენ, რომელიც ვენესუელ ხალხს მოხმარდება.
ხმელეთზე ჯარისკაცების გაგზავნის არ მეშინია, თუ ეს დაგვჭირდება. წინა ღამეს ჯარისკაცები ხმელეთზე ძალიან მაღალ დონეზე გვყავდა. ამის თქმასთან პრობლემა არ გვაქვს. ვუზრუნველყოფთ, რომ ეს ჯეროვანი იქნება. ახლა იქ ვართ, მზად ვართ, ხელახლა წავიდეთ თუ საჭირო გახდა.
ვენესუელაში წარმომადგენლობა გვეყოლება რამდენადაც ეს ნავთობს ეხება. ჩვენს ექსპერტიზას ვგზავნით, ამიტომ რაღაც საჭირო იქნება, თუმცა ეს ძალიან ბევრი არ იქნება. ჩვენ მიწიდან უზარმაზარი რაოდენობის დოვლათს ამოვიღებთ და ეს დოვლათი მივა ვენესუელ ხალხთან და ხალხთან ვენესუელის გარეთ, რომლებიც ადრე ვენესუელაში იყვნენ. ვაპირებთ, რომ ქვეყანა სწორად ვმართოთ, ძალიან სამართლებრივად, სამართლიანად იქნება მართული. ხალხს ბევრ ფულს მივცემთ, იმ ადამიანებს, რომლებიც სარგებელს მოგვიტანენ. ავანაზღაურებთ, ყველაზე ვიზრუნებთ, ეს ძალიან მნიშვნელოვანია. ვერ დავრთავდით ნებას, რომ თავი დაეძვრინათ. მათ ჩვენი ნავთობი მოიპარეს. აქ მთელი ეს ინდუსტრია ავაშენეთ და უბრალოდ, წაგვართვეს, თითქოს არც არაფერი ვყოფილიყავით, – განაცხადა ტრამპმა.
კომენტარები