დიმიტრი გოლუბოვი: „მიშკა იაპონჩიკმა“ შექმნა რეკეტი და „მიშკა ქართველმა“ ეს რეკეტი სხვა სახელმწიფო რელსებზე აიყვანა

„მიშკა იაპონჩიკმა“ შექმნა რეკეტი და „მიშკა ქართველმა“ ეს რეკეტი აიყვანა სხვა სახელმწიფო რელსებზე, სადაც იგი ოფიციალურად აგზავნიდა წერილს, თავისი ბეჭდით, არ რცხვენოდა და მსხვილ ოდესელ მეწარმეებს თანხას სთხოვდა, როგორც რეკეტიორი, – ამის შესახებ უკრაინის რადას მე-8 მოწვევის დეპუტატმა, დიმიტრი გოლუბოვმა „იმედი LIVE“-ში განაცხადა.

„ჩემთვის წარმოუდგენელი იყო, რომ 21-ე საუკუნეში, სახელმწიფო ჩინოვნიკი, გუბერნატორი თავს უფლებას აძლევდა ასეთი რაღაცები ეკეთებინა. მეწარმეები, მთელი ოდესა შოკში იყო. მისმა ასეთმა ნაბიჯებმა გამოიწვია ის, რომ ის გადადგა, იმ დროს მისი რეიტინგი 3%-მდე დაეცა“, – აცხადებს დიმიტრი გოლუბოვი.