ბრიტანეთმა საფეხბურთო კლუბ “ჩელსის” მფლობელის, რომან აბრამოვიჩის 2 ახლო თანამოაზრეს სანქციები დაუწესა. მთავრობა ამბობს, რომ ისინი დაექვემდებარებიან აქტივების ყველაზე დიდ გაყინვას, რაც კი ოდესმე დაუწესებიათ.
სანქციები შეეხებათ საფეხბურთო კლუბის დირექტორ – ევგენი ტენენბაუმსა და აბრამოვიჩის კიდევ ერთ ბიზნეს პარტნიორ დავიდ დავიდოვიჩს. დავიდოვიჩს მოგზაურობის აკრძალვაც შეეხება, რაც იმას ნიშნავს, რომ მას ბრიტანეთში შესვლის ან დარჩენის უფლებაზე უარეს ეტყვიან.
აბრამოვიჩმა ორი კომპანია, რომელსაც თვითონ აკონტროლებდა რუსეთის უკრაინაში შეჭრის დღეს სწორედ ტენენბაუმსა და დავიდოვიჩს გადასცა.
მთავრობამ განაცხადა, რომ გაყინავს 10 მილიარდი დოლარის ღირებულების აქტივებს, რომლებიც დაკავშირებულია ამ ორ ადამიანთან.
საგარეო საქმეთა მინისტრმა, ლიზ ტრასმა თქვა, რომ გააგრძელებენ სანქციების დაწესებას მანამდე, სანამ პუტინი უკრაინაში არ დამარცხდება.
კომენტარები