“დღეს წალენჯიხაში იტალიელები ველოსიპედებით დაქროდნენ – აკივლდნენ მეგრელები…”

ჟურნალისტი, შორენა მარსაგიშვილი, სოციალურ ქსელში, წერს:

“დღეს წალენჯიხაში უცხოელი ტურისტები გამოჩნდნენ. ველოსიპედებით დაქროდნენ. ჩემი ტკბილი მეგრელებიც უღიმოდნენ. ერთი ცნობისმოყვარე ჩაეკითხა, სადაურები ხართო. იმათ ამაყად უპასუხეს იტალიანოო.
ამის გაგონება და ატყდა კივილი. იტალიელებს ეგონათ გაუხარდათ ჩვენი გამოჩენაო და ღიმილით გააგრძელეს გზა.
მალევე პატრული წამოეწიათ, ხალხმა გამოიძახა, მგონი კორონამატარებლები გამოჩნდნენო. პოლიციამ ტურისტებს საბუთები მოსთხოვა. აინტერესებათ როდის ჩამოვიდნენ იტალიიდან. აკივლდნენ იტალიელები, ჩვენ უფლებებს რატომ არღვევთო, მაგრამ ამაოდ. მეგრელებს კივილით ვერ გააკვირვებდნენ.
ახლა ვცდილობ გავარკვიო, როდის ჩამოვიდნენ ის იტალიელები.
წალენჯიხა ჯერ ისევ შოკშია.”