დღეს ,ფრანგები ,პრეზიდენტს აირჩევენ – ორი კანდიდატი ლიდერობს

საზოგადოებრივი აზრის გამოკითხვები საპრეზიდენტო არჩევნების ფავორიტებად ასახელებენ სახელმწიფოს ამჟამინდელ მეთაურს ემანუელ მაკრონს და მემარჯვენე პოპულისტური პარტიის ეროვნული მიტინგის წარმომადგენელს მარინ ლე პენს, რომელიც დროებით გადადგა ამ პოლიტიკური ძალის ხელმძღვანელობიდან. 2017 წელს ორივე პოლიტიკოსი გავიდა არჩევნების მეორე ტურში, რის შემდეგაც ლე პენი თითქმის ორჯერ დამარცხდა მაკრონთან (33.9% და 66.1%).

ისინი კონკურენციას უწევენ მემარჯვენე რადიკალის ყოფილ პუბლიცისტს, მოძრაობა Reconquista-ს (რეკონკისტა) ხელმძღვანელს, ერიკ ზემურს, მემარჯვენე ცენტრის რესპუბლიკური პარტიის კანდიდატს ვალერი პეკრესს, მემარცხენე პარტიის ლიდერს ჟან-ლუკ მელენშონის, ევროპა-ეკოლოგიის წარმომადგენელ იანიკ ჟადოს, ასევე, ანა იდალგოს საფრანგეთის სოციალისტური პარტიიდან.

საფრანგეთის პრეზიდენტი ირჩევა პირდაპირი საყოველთაო კენჭისყრით 5 წლის ვადით. თუ პირველ ტურში ვერცერთი კანდიდატი ვერ მოიპოვებს აბსოლუტურ უმრავლესობას, მაშინ იმართება მეორე ტური იმ ორ კანდიდატს შორის, რომლებმაც ყველაზე მეტი ხმა მიიღეს. სახელმწიფოს მეთაურის პოსტს კანდიდატი ზედიზედ ორ ვადაზე მეტხანს ვერ დაიკავებს.