საქართველოს პრეზიდენტი სალომე ზურაბიშვილი ფეისბუქის საკუთარ გვერდზე წერს:
„დღეს მამაჩემის გარადაცვალების დღეა. ძალიან ახალგაზრდა ვიყავი მაშინ.დღეს კი, იმ ასაკს მივაღწიე, რომელსაც იგი ვერ ეღირსა !და რამდენი საქმე დაუმთავრებელი, რამდენი ოცნება აუსრულებელი დატოვა, ყველა რომ ამ ქვეყნის ბედს უკავშირდებოდა!“
ცნობისთვის, საქართველოს პრეზიდენტის მამა, ლევან ზურაბიშვილი ქართული ემიგრაციის ერთ-ერთი თვალსაჩინო წარმომადგენელი და პარიზის ქართული სათვისტომოს მერვე თავმჯდომარე იყო. 1949 წელს მან გამოაქვეყნა საქართველოს მოკლე ისტორია ფრანგულად. ეწეოდა აქტიურ პუბლიცისტურ საქმიანობას, თანამშრომლობდა ქართულ და უცხოურ ჟურნალ–გაზეთებში. იყო “თავისუფლების ტრიბუნის” სარედაქციო კოლეგიის წევრი. მან ძმასთან, არჩილ ზურაბიშვილთან, ერთად გადამწყვეტი და მნიშვნელოვანი ადგილი დაიკავა 1973 წელს პარიზის წმიდა ნინოს ახალი ეკლესიის შეძენაში. ლევან ზურაბიშვილი გარდაიცვალა 1975 წლის 10 თებერვალს, პარიზში ხანგრძლივი ავადმყოფობის შემდეგ. დაკრძალულია ლევილში.
კომენტარები