თბილისის საქალაქო სასამართლოში, დღეს, ნეონაცისტური დაჯგუფების 16 წევრის პროცესი გაიმართება.
უფლებადამცველებს 80-ტომიანი საქმის მასალების ნაწილი უკვე გადაეცათ. მასალებში დევს ათობით დაზარალებული ადამიანის ჩვენება, რომლებიც ნეონაცისტური დაჯგუფების მსხვერპლები გახდნენ. ასევე, ვიდეო მტკიცებულებები, რომლებსაც ორგანიზებულ დანაშაულში ბრალდებული პირები თავად იღებდნენ და სოციალურ ქსელებში ავრცელებდნენ.
უფლებადამცველებს საგამოძიებო უწყებაში გაუთქმელობის დოკუმენტზე მოაწერინეს ხელი.
ბრალი წარედგინა ჩემ დასაცავ პირს, იგი გახლავთ არასრულწლოვანი, მას ედავებიან ორგანიზებულ ჯგუფურ ძალადობის განხორციელებას, ორგანიზებას და მასში მონაწილეობას. საქმის მასალებთან დაკავშირებით კომენტარს ვერ გავაკეთებ, ვინაიდან გაუთქმელობა დაადეს საქმეს. ჩვენ ტექნიკურად ხელი არ მოგვიწერია გაუთქმელობაზე, თუმცა პასუხისმგებლობის დადგომისთვის საკმარისია უკვე ეს გარემოებაც…” – განაცხადა ერთ-ერთი დაკავებული არასრულწლოვნის ადვოკატმა.
ადვოკატების თქმით, დაკავებულების უმრავლესობას ჯერ-ჯერობით პოზიცია არ გააჩნიათ, მათ შორის არასრულწლოვნებს. ნაწილი დანაშაულს არ აღიარებს, ხოლო დანარცენები ბრალდებას ნაწილობრივ ეთანხმებიან.
ჩემი დაცვს ქვეშ მყოფი სრულწლოვანია, შესაბამისად მას ბრალი ჯგუფურ ძალადობაში აქ წარდგენილი. იგი ნაწილობრივ ცნობს თავს დამნაშავედ. მას საერთოდ შემხებლობა არ აქვს ამ პირებთან, საერთოდ არ იცნობს ამ პირებს, მხოლოდ და მხოლოდ ერთ პიროვნებასთან ჰქონდა შემხებლობა. გამოყენებული იქნა ამ ძალადობის ფაქტთან დაკავშირებით, გოგონას მიერ, რომელმაც მისწერა პიროვნებას SMS-ები და გამოიყვანა ისე, რომ თითქოს მას ვირაც პიროვნება მასზე ძალადობდა, უწმაწური სიტყვებით მოიხსენიებდა და ამ დანაშაულის პროვოცირებას წამოეგო ჩემი დაცვის ქვეშ მყოფი. მას ამ ზალადობის ორგანიზებაში მონაწილეობა არ მიუღია, მხოლოდ და მხოლოდ ცემის ფაქტს აღიარებს. ცემაში მონაწილეობა მიიღო, ესეც იყო განპირობებული გარკვეული მიზეზების გამო,” – ამბობს ადვოკატი.
დაკავებულ 16 პირს ბრალდება უკვე წარედგინა.
კომენტარები