დღეს, 20 ივნისს, 6 წელი გავიდა „გავრილოვის ღამიდან“. 2019 წლის 20 ივნისს რუსეთის დუმის დეპუტატი სერგეი გავრილოვი საქართველოში მართლმადიდებლობის საპარლამენტთაშორისო ასამბლეის 26-ე სესიაზე დასასწრებად ჩამოვიდა. ამ მოვლენას მოსახლეობის მნიშვნელოვანი ნაწილის მძაფრი რეაქცია და საპროტესტო აქცია მოჰყვა, რომელიც ხელისუფლებამ ძალადობის გამოყენებით დაარბია. მოქალაქეებზე ძალადობის გამო, რასაც რამდენიმე მათგანის თვალის დაკარგვა მოჰყვა, არავინ დასჯილა. მეტიც, ხელისუფლებამ ამ მოვლენებთან დაკავშირებით ამნისტიის შესახებ კანონი მიიღო, რაც ნიშნავს, რომ სამომავლოდაც არავინ დაისჯება.
კომენტარები