“დედაჩემი ამ კლინიკაში სიკვდილის პირას მიიყვანეს… დედაჩემის წამებას ვუყურებ” – ედო ჯავახიძე

ჟურნალისტი, ედო ჯავახიძე:

ახლა ამას ვწერ ძალიან აღელვებული, დედაჩემის წამებას რომ ვუყურებ. ბათუმში, ხოზრევანიძის კლინიკაში დედაჩემი სიკვდილის პირას მიიყვანეს. ბიოფსიის აღების დროს, ვერ შენიშნეს გაკეცილი საშვილოსნო და დაუზიანეს საშვილოსნოს გარსი. დედაჩემი, 20 დღეა არის წამების მსხვერპლი. ბიოფსიის აღების შემდეგ რომ მივიყვანე ექიმთან, ამას გინეკოლოგიური ტკივილი არ აქვსო და უკან გამოგვაბრუნეს. თურქეთში გავიგეთ პასუხი. ექიმი – კობა ქამაშიძე. ამას ასე არ დავტოვებ. პასუხისგება მოგიწევთ. სასაკლაოა, საავადმყოფო – არა.

“ალია” დაუკავშირდა ხოზრევანიძის კლინიკას, თუმცა, კლინიკამ კომენტარის გაკეთება არ ისურვა.