დავით გარეჯის საქმესთან დაკავშირებით საქალაქო სასამართლოს გადაწყვეტილების ვადა იწურება.
როგორც ცნობილია, ადვოკატები რამდენიმე საათში სააპელაციოში პირველი ინსტანციის დადგენილების გაუქმებას ოფიციალურად მოითხოვენ.
საქმე ეხება ივერ მელაშვილისა და ნატალია ილიჩოვას წინასწარ პატიმრობას.
უფლებადამცველები საქმის აბსურდულობაზე საუბრობენ.
როგორც ნატალია ილიჩოვას ადვოკატი გიორგი მახარაძე აცხადებს, დავით გარეჯის საქმეში არ არსებობს არცერთი მტკიცებულება, რომელიც ნატალია ილიჩოვას ან ივერი მელაშვილის მიერ დანაშაულის ჩადენას ადასტურებს.
ინფორმაციისთვის, საგარეო საქმეთა სამინისტროს მეზობელი ქვეყნების დეპარტამენტის სასაზღვრო ურთიერთობათა სამსახურის უფროსი ივერი მელაშვილი და საქართველოს შინაგან საქმეთა სამინისტროს სასაზღვრო პოლიციის სახმელეთო საზღვრის დაცვის დეპარტამენტის მთავარი ინსპექტორი ნატალია ილიჩოვა აზერბაიჯანისთვის საქართველოს ტერიტორიის ნაწილის გადაცემისაკენ მიმართული მოქმედების განხორციელების ბრალდებით არიან დაკავებული.
საქმეზე გამოძიება 308-ე მუხლის პირველი ნაწილით მიმდინარეობს, რაც სასჯელის სახედ 10-დან 15 წლამდე თავისუფლების აღკვეთას გულისხმობს.
სააპელაციო სასამართლოს გადაწყვეტილებით, დაკავებულები პატიმრობაში რჩებიან.
კომენტარები