,, დავიჯერო, მართლა გგონიათ ამით კარგ საქმეს აკეთებთ?” – მერაბ მეტრეველი პრემიერის ,,გერმანიაში დაბარებაზე”

ჟურნალისტი მერაბ მეტრეველი:

,,გუშინ რამდნეიმე ადამიანმა დაწერა და მეც მინდა გავიმეორო, რადგან დღესაც იგივე გაგრძლედა.

რამდენიმე ოპოზიციური არხი დაჟინებით იმეორებს, რომ საქართველოს პრემიერი გერმანიის კანცლერმა “დაიბარა”.

დავიჯერო, მართლა გგონიათ ამით კარგ საქმეს აკეთებთ? ვერ ხვდებით, რომ ამით საბოლოოდ ჩვენს ქვეყანას ამცირებთ, რადგან ღარიბაშვილი მოგვწონს თუ არა დღეს საქართველოს პრემიერია და გამოდის სხვა ქვეყანას შეუძლია საქართველოს პირველი პირი სადმე დაიბაროს?

და რაც მთავარია: ამით ხელს უწყობთ სამთავრობო ტროლების პროპაგანდას, რომ დასავლურ დედაქალაქებში ისევე გვიყურებენ, როგორც საბჭოთა დროს რუსეთი გვიყურებდა და ახლა მოსკოვი ვაშინგტონმა ან ბრიუსელმა ჩაანცვლა.

ამით დიმიტრი ხუნდაძეს ეთანხმებით, უბრლაოდ, სხვა არაფერი.”