,,პატრიოტთა ალიანსის” ერთ-ერთი ლიდერი, ირმა ინაშვილი:
,,სააკაშვილის რეჟიმის დროს იყო ასეთი ბნელი ტელევიზია- “რეალ- ტივი”. დღეს ამ საშინელი ტელევიზიის ბოროტ გამოცდილებას “პოსტ- ტივი” აგრძელებს, ნაცურ სტილში!
ეს ანტიჟურნალისტიკა პირდაპირ მიბმულია ხელისუფლებასთან და, ნაცების მსგავსად, ცდილობს ყველა იმ პარტიის, ჯგუფის, პერსონის გაშავებას და დაკნინებას, ვისაც “ქართული ოცნებისგან” განსხვავებული აზრი, პოზიცია, შეხედულება აქვს. ახლი “რეალ- ტივი” შვა “ქართულმა ოცნებამ” და მე პირადად ეს არ მომწონდა სააკაშვილის დროს და არ მომწონს დღესაც! ესაა სიმახინჯე! ესაა ნაცობა!
30 ნოემბრის აქცია არანაირად არ ყოფილა პროვოკაციული, რა ბოლშევიკურ პროპაგანდასაც “პოსტ- ტივი” ეწევა. “ინაშვილის და თარხან- მოურავის პროვოკაციული მიტინგიო”. პროვოკაცია ის არაბული პროექტია, რომელიც ჩემი, ჩვენი და მრავალი მოქალაქის აზრით, ქვეყნის ეროვნულ ინტერესებს აზიანებს და ჩვენს სუვერენიტეტს უქმნის საფრთხეს!
მეორე- მე მადლობელი ვარ ყველა იმ ადამიანის, ვინც მობრძანდა დღევანდელ აქციაზე, ყველას მოვეფერე და ახლაც ვეფერები! მათი რაოდენობა ბევრად მეტი იყო, ვიდრე “რამდენიმე ათეული ადამიანი”, რასაც ახალი “რეალ- ტივი” ანუ “პოსტ- ტივი” ავრცელებს და კიდევ გამრავლდება, ეს აუცილებლად მოხდება!!!!
ჩვენ თავად ვთქვით, რომ მეტი ადამიანის ხილვას ვისურვებდით, მაგრამ დღევანდელ პირობებში ამასაც არ ველოდი, სიმართლე გითხრათ. ხალხი დააშინეს, დაქსაქსეს, დაღალეს, გამოფიტეს, დააბნიეს და ამ ვერაგობის გარდატეხა ახლა მხოლოდ იწყება!
აქცია შედგა! იმედიანი, მოტივირებული ადამიანები კიდევ დიდხანს ესაუბრებოდნენ ერთმანეთს რუსთაველის ძეგლთან. ნაპერწკალი გაჩნდა და გარეთ გამოვიდა!!!!!!!! ესაა მთავარი!
პატიმრების წამების თემაზე რომ ვმართავდით აქციებს, დასაწყისში 100 კაცი მოდიოდა, მერე- 1000, ბოლოს 100 000 გამოვიდა ქუჩაში და ახლაც ასე მოხდება!!! ქართველი ხალხის დიდი ნაწილი საფრთხეს ხედავს არაბული დასახლებების მშენებლობაში, არასდროს ეშლება ქართველ კაცს, სადაა საფრთხე და სად- სიკეთე. როცა მიწას ეხება საქმე, ეკონომიკა არაა მთავარი, მიწას ჩვენთვის სულიერი დანიშნულება აქვს!!! ხელისუფლების პროპაგანდამ ვერ გადაწონა საფრთხის შეგრძნება, რაც დუღს ხალხში. ვაგრძელებთ მოქმედებას, ვაგრძელებთ იმის დაცვას, რაც თითოეულ ჩვენგანს ეკუთვნის- ქართული მიწის!
P.S. გამგებმა გაიგოს: რადგან ვერ ისვენებთ, ამ დღეებში ახალ წერილს გამოვაქვეყნებ და დანარჩენ სათქმელს იქ ვიტყვი!“
კომენტარები