დანია რუსეთის მოქალაქეებისთვის შენგენის ვიზების გაცემის შეზღუდვის მოთხოვნას შეუერთდა

„გასაგებია, რომ თუ ევროპის ერთ ქვეყანაში მაინც შედიხარ, მაშინ პრინციპში შესაძლებელია შენგენის მთელ ზონაში შესვლა. ამიტომ ეს უნდა გაკეთდეს მთელ ევროკავშირში“, – განაცხადა დიუბვადმა.

ჯეპე კუფუდმა დასძინა, რომ კოპენჰაგენი ღიაა მოსკოვზე სანქციების ზეწოლის ყველა წინადადების განსახილველად.

გამოცემა განმარტავს, რომ დანიის საიმიგრაციო სამსახურის ცნობით, 2022 წლის პირველ ხუთ თვეში ქვეყანამ რუსეთის მოქალაქეებზე თითქმის სამჯერ მეტი ვიზა გასცა, ვიდრე მთელი 2021 წლის განმავლობაში.

ცნობისთვის, დანია მეხუთე ქვეყანაა, რომელიც მხარს უჭერს სავიზო შეზღუდვებს. მანამდე აღნიშნულის შესახებ ლიტვამ, ჩეხეთმა, ესტონეთმა და ფინეთმა განაცხადეს.

უშუალოდ რუსეთში, ბოლო 2 კვირის განმავლობაში მსგავსი განცხადებების ფონზე, შენგენის ვიზაზე განაცხადების რაოდენობა 40%-ით გაიზარდა.