დამუქებული მინების ან შეზღუდული შუქგამტარობის მქონე სატრანსპორტო საშუალების მართვისთვის პასუხისმგებლობა მკაცრდება.
სანქციის სახედ 500 ლარის ოდენობით ჯარიმა განისაზღვრება.
იმ შემთხვევაში თუკი ქმედება განმეორდება, ჯარიმა 1000 ლარამდე გაიზრდება. აქამდე თუკი ყოველი ქმედების გამეორება 300 ლარის გადახდას ითვალისწინებდა, ახლა აღარ იქნება გათვალისწინებული. შესაბამისად აქაც სანქციის სახით კანონდარღვევის შემთხვევაში მოქალაქეს 1000 ლარის გადახდა მოუწევს.
ამასთან,სანქცია წესდება მძღოლის მიერ სხვისი მართვის უფლებით სარგებლობის მიზნით პოლიციის უფლებამოსილი პირისათვის ცრუ ინფორმაციის მიწოდებისთვის, რომელიც გამოიწვევს დაჯარიმებას – 700 ლარის ოდენობით.
ასევე, ცვლილებებით, 250 ლარიდან 300 ლარამდე იზრდება ჯარიმა არარეგისტრირებული სატრანსპორტო საშუალების მართვისთვის.
კომენტარები