ძლიერმა სტიქიამ თუშეთის მიმართულებით, მთიან ზოლში მყოფი მეცხვარეები დააზარალა, დახოცილია ას სულზე მეტი ცხვარი – ამის შესახებ “მთავარ არხს” ადგილობრივებმა აცნობეს.
მათი ინფორმაციით, დიდთოვლობის გამო, მთიან ზოლში ზვავი ჩამოწვა და ცხვარი მოიყოლა. შემთხვევა იმ დროს მოხდა, როცა მეცხვარეებს საქონელი შირაქის ველიდან საგაზაფხულო საძოვარზე გადაჰყავდათ.
შემთხვევის შედეგად არავინ დაშავებულა. მეცხვარეები ამბობენ, რომ წელიწადის ამ დროს, ასეთი მასშტაბური სტიქია არ ახსოვთ. მათივე თქმით, დახოცილ საქონელს გზად პოულობენ. ცხვრის დათვლა უამინდობის გამო ვერ ხერხდება. ზარალის ზუსტი ოდენობაც მოგვიანებით გაირკვევა.
კომენტარები