დაკავებულ “ოცნების” მაღალჩინოსნებს განვიხილავ პოლიტპატიმრებად – ამის შესახებ განცხადება „კოალიცია ცვლილებისთვის” ლიდერმა, ნიკა გვარამიამ რუსთავის N12 პენიტენციურ დაწესებულებასთან გააკეთა.
პოლიტიკოსის თქმით, ისევე როგორც ოპოზიციურ პოლიტიკოსებს, აქტივისტებს, ისე “ქართული ოცნების” დაკავებულ ყოფილ ლიდერებს “თავისუფალი სასამართლო არ ღირსებიათ”.
აქ ვინც „ქოცები“ არიან, ახლა თუ უკვე აღარ არიან „ქოცები“, მაგრამ მათი ყოფილი თანამდებობის პირები, პირდაპირ გეტყვით, რაც არ უნდა მოჰყვეს ამ ჩემს ნათქვამს და ვიცი, რომ მოჰყვება, მე ამ ხალხს განვიხილავ პოლიტიკურ პატიმრებად. იმიტომ, რომ პოლიტიკური პატიმრობა იზომება არა იმით ადამიანმა ჩაიდინა თუ არა ეს ქმედება, ან ჩვენ გვგონია ჩაიდინა თუ არ ჩაიდინა, პოლიტიკური პატიმრობის მთავარი საზომი არის ის, რომ ადამიანს არ ღირსებია და არც ეღირსება ამ ხელისუფლების პირობებში თავისუფალი სასამართლო. ამ მჯდომ „ქოცებსაც“ არ ღირსებიათ თავისუფალი სასამართლო და არც ეღირსებათ, ვიდრე „ქოცები“ არიან ხელისუფლებაში“, – განაცხადა ნიკა გვარამიამ.
„კოალიცია ცვლილებისთვის” ლიდერი დაწწმუნებულია, რომ “ქართული ოცნება” მისივე ყოფილ წევრებს ცოლებისა და დედების თავისუფლებით ევაჭრება.
რეჟიმს პოლიტპატიმარი სჭირდება კი არა, საწვავია მათთვის რეალურად, იმიტომ, რომ შიშია ამათი მთავარი საწვავი. ჩვენ თუ ვპროვოცირებთ ამ შიშს, გვეშინია და ა.შ, ეს არის ერთადერთი საწვავი, რომელსაც თავის დანგრეულ ავტომობილში ისინი ასხამენ, თუ ეს არ იქნება გინდა პოლიტპატიმრების დამატების გამო არ შეგვეშინდება, გინდა სხვა რაღაცების გამო, გინდა იმ კანონების გამო, ეს საწვავი უბრალოდ არ იარსებებს და მათი ეს დრანდულეტი ვერ დაიძვრება წინ პირიქით, ჯართში იქნება ჩაბარებული” – დასძინა პოლიტიკოსმა.
8-თვიანი პატიმრობის შემდეგ “კოალიცია ცვლილებებისთვის” ლიდერმა ნიკა გვარამიამ რუსთავის ციხე დატოვა.
გვარამია 2025 წლის 13 ივნისს წულუკიანის ე.წ საგამოძიებო კომისიაზე არმისვლის გამო დააკავეს. გვარამიას გარეთ ოჯახის წევრები, მეგობრები და გულშემატკივრები დახვდნენ.
კომენტარები