“დაივიწყეს გეები” – დიმიტრი სამხარაძე

ქართული ოცნების ერთ–ერთი ლიდერი, დიმიტრი სამხარაძე, არაბული ქალაქების აშენების წინააღმდეგ გამართულ აქციას ეხმაურება და წერს:

გუშინ ორი აქცია ვნახეთ, ორივეს რეალური დანიშნულება ჩვენი ქვეყნის დასუსტებაა და ფულს ჩვენი ქვეყნის უცხოელი მტერი იხდის! ამ ორ აქციას შორის მხოლოდ ერთი განსხვავებაა, ამ ეტაპზე პირველ აქციას, მოტყუებული უფრო მეტი ესწრებოდა, ვიდრე მოსყიდული. მაგრამ ვიმეორებ, ამ ეტაპისთვის ჩავთვალოთ, რომ ასე იყო! გახსოვთ ალბათ ნაცური აქციები, მოტყუებული რომ იგებდა სიმართლეს, ემიჯნებოდა და 2 % რჩებოდა მათთან! ისე ადრე, იმ პირველი აქციის ორგანიზატორებსაც დაემართათ იგივე, რაც ნაცებს! ჰომოსექსუალების კვირეული ხომ გახსოვთ? უამრავი მოქალაქე ავიდა მაშინ ლისზე, მინიმუმ 20 000 მომიტინგე, როდესაც ვიღაცეებს თავში აუვარდათ და ეს ხალხი მათი მიყვანილი ეგონათ, დაივიწყეს გეები და რუსთაველზე მიიპატიჟეს მომიტინგეები ქართული ოცნების ხელისუფლების საწინააღმდეგო აქცის მოსაწყობად! მადა გაეხსნათ და რა მიიღეს? 20 000- დან 800 (რვაასი) კაცი გაყვა! აქციებს რომ დავუბრუნდეთ, მიხვდნენ რომ საქართველოს მოსახლეობას ასე ადვილად უკვე ვეღარ მოატყუებენ, ვერც ნაყიდი და ვერც გასაყიდად მომზადებული ვითომ ჩვენი ქვეყნის დამცველები და ახლა ახალი დავალებაც მიიღეს! გაერთიანდითო! გაერთიანდებიან ნაცურებიც, აკაცუკებიც და ის 800 კაცუნაც, რომლებიც ვითომ ჰომოსექსუალისტებს ებრძოდნენ და რეალურად პოლიტიკური პროსტიტუციით იყვნენ დაკავებულები!

ცნობისთვის, ფოტოს, სადაც სასულიერო პირები მიუძღვებიან აქციას, შოთა მარტინენკო ავრცელებს და წერს:

ათობით მოძღვარი ჯაჭვში ჩადგა და წინ მიუძღვოდა საკუთარ მრევლს პროტესტზე არაბული ქალაქების წინააღმდეგ – მემგონი ამით ყველაფერი გასაგებია.

და თუ ვინმემ ვერ გაიგო, მომავალში კიდევ უფრო მეტს ნახავს ერს და ბერს გამოსულს.