დაავადებათა კონტროლის ეროვნული ცენტრის დირექტორის, ამირან გამყრელიძის განმარტებით, იმ შემთხვევაში, თუ სექტემბერში, ქვეყანაში დღევანდელი ეპიდსიტუაციის მსგავსი მდგომარეობა იქნება, სპეციალისტები საკლასო ოთახებში სწავლის დაწყების რეკომენდაციას ვერ გასცემენ.
“თუ ამ ტიპის ეპიდსიტუაცია იქნება 15 სექტემბრისთვის, როცა სწავლა უნდა დაიწყოს, დაავადებათა კონტროლის ცენტრი ვერ გასცემს რეკომენდაციას სწავლის დაწყებასთან დაკავშირებით. ჩვენ ველოდებით, რომ ამ შეზღუდვებმა, რომელიც ახლა შემოვიტანეთ, აცრების ინტენსიფიკაციამ სერიოზულად უნდა შეამციროს ახალი შემთხვევების რაოდენობა. თუ დადებითობის მაჩვენებელი ჩამოვიდა ოთხ პროცენტს დაბლა, მაშინ დადგება საკითხი სწავლის განახლების შესახებ”, – განაცხადა ამირან გამყრელიძემ.
კომენტარები