დაიწყება თუ არა სკოლებში ფიზიკური დასწრებით სწავლა? – ჯანდაცვის ყოფილი მინისტრის ვარაუდი

„ქვეყანაში სასაკლაოა და ჯანდაცვის მინისტრის მოადგილეს პრესკონფერენციაზე ეკითხებიან, სკოლებში ფიზიკური დასწრებით სწავლა თუ განახლდებაო.მთავარი უბედურება ისაა, რომ ღარიბაშვილისგან არ აქვს თანხმობა გაბუნიას, უპასუხოს “არა, არ გაიხსნება” და პასუხობს “ჯანმოს რეკომენდაციას ველოდებით,” – წერს სოციალურ ქსელში ჯანდაცვის ყოფილი მინისტრი ზურაბ ჭიაბერაშვილი.

ჭიაბერაშვილი ამბობს, რომ მომავალი თაობების განათლება, სოციალიზაცია და ფსიქიკა არჩევნებს ეწირება.
„ვინც ჯერ კიდევ ვერ მიმხვდარხართ, სად ვარსებობთ (არ ვცხოვრობთ, ვარსებობთ), განგიმარტავთ:

– ძალიან ცუდია, თუ ვერ ხვდებით, რომ სკოლები არ გაიხსნება.
– ღარიბაშვილმა ამ არჩევნებს არა მხოლოდ ყოველდღიურად 70 ადამიანი შესწირა, არამედ მომავალი თაობების განათლება, სოციალიზაცია, ფსიქიკაც კი.
– სკოლები გაიხსნებოდა, რომ არა ღარიბაშვილის მიერ ივნისის ბოლოს მიღებული გადაწყვეტილებები და ის ეპიდაფეთქება, რაც ამ გადაწყვეტილებებს მოჰყვა.
– გულწრფელად თანავუგრძნობ კერძო სკოლებს, რომლებიც მოსწავლეებს კარგავენ სწავლის კიდევ ონლაინ გაგრძელების გამო, მაგრამ ვიდრე თავის გატანაზე ფიქრობთ და არა მდგომარეობის რადიკალურ შეცვლაზე ქვეყანაში, ვიდრე ჩუმად ხართ და ღარიბაშვილის “წყალობას” ელოდებით, შედეგი უარესი და უარესი იქნება,” – წერს ჭიაბერაშვილი.

ჯანდაცვის ყოფილი მინისტრი ვარაუდობს, რომ ხელისუფლება ფიზიკური დასწრებისათვის კერძო სკოლებს გახსნის და ამით შეაჩერებს სკოლების ფინანსური კოლაფსის გამო გაზრდილ უკმაყოფილებას.

„და ბოლოს, როგორც “ოცნებას” სჩვევია, შეიძლება ყველაზე აბსურდული გადაწყვეტილება მიიღონ
– ფიზიკური დასწრებისთვის გახსნან მხოლოდ კერძო სკოლები:
– ღარიბაშვილის მოტივაცია იქნება, შეაჩეროს კერძო სკოლების ფინანსური კოლაფსი და ამის შედეგად მზარდი უკმაყოფილება.
– ოფიციალურ მიზეზად შეიძლება დაასახელონ კერძო სკოლებში მასწავლებელთა აცრის მაღალი პროცენტი.
ჩემი ფბ-ბაბლის ნაწილი ამას მოიწონებს, როგორც “ვაქცინაციის წამახალისებელ დისკრიმინაციას”. (არადა აქ მთავრი კითხვა უნდა იყოს, რატომ ჩამორჩა აცრაში საჯარო სკოლები კერძოებს.)
– შედეგი იქნება ის, რომ ეპიდსიტუაცია დამძიმდება,”- წერს ზურაბ ჭიაბერაშვილი.