“უკრაინელების მიერ გამოვლენილმა მედგარმა ბრძოლამ, რუსებს ტაქტიკის შეცვლა აიძულა”, – ამის შესახებ უკრაინის პრეზიდენტმა ვოლოდიმირ ზელენსკიმ თავის მორიგ ვიდეომიმართვაში განაცხადა.
„უკრაინის ქალაქებზე რუსეთის სარაკეტო თავდასხმები – ეს იმის აღიარებაა, რომ მათ ჩვენს მიწაზე რაიმე არსებითის გაკეთება ვერ შეძლეს. ჩვენი თავდაცვის ხაზები შენარჩუნებულია. არცერთ სტრატეგიული მიმართულებით მტერს წარმატება არ აქვს. ისინი განადგურებულები და განწირულები არიან.
ჩვენ თითოეულს სახლს, თითოეულ ქუჩას და ქალაქს აღვადგენთ და მივმართავ რუსეთს: ისწავლეთ სიტყვა რეპარაცია და კონტრიბუცია. თქვენ იმ ზიანს, რაც ჩვენს სახელმწიფოს, თითოეული უკრაინელს მიაყენეთ სრულად აანაზღაურებთ, სრული მოცულობით.
არ არსებობს ისეთი იარაღი, რომელიც ჩვენს წინააღმდეგ, უკრაინის მშვიდობიანი მოსახლეობის წინააღმდეგ არ გამოგიყენებიათ. ახლა კი თქვენ გამოდიხართ და თქვენს პროპაგანდისტებს უყვებით, რომ უკრაინაში ე.წ. ჰუმანიტარულ კოლონას აგზავნით. დაიმახსოვრეთ, უღმერთოებო, როდესაც მილიონობით ადამიანი გწყევლით, არაფრით შეგიძლიათ თავი გადაირჩინოთ“, – განაცხადა ზელენსკიმ და დაამატა, რომ უცხოურ ლეგიონებში, რომლის შექმნის შესახებ მან გასულ დღეებში განაცხადა, 16 000 უცხოელი ჩაეწერა და მათი პირველი ნაწილი უკვე ჩადის უკრაინაში.
მიმართვის ბოლოს ზელენსკიმ რუსებს თავისივე ენაზე მიმართა: „წადით სახლში. თქვენს სახლში. დაიცავით თქვენი რუსულენოვანი ხალხი, არა მთელი მსოფლიოს მასშტაბით, არამედ თქვენთან სახლში. იქ ისინი მრავლად არიან – დაახლოებით, 150 მლნ, აქ კი – დიდება უკრაინას“.
bm.ge
კომენტარები