„ჩვენი განათლების სამინისტრო ყველაფერს აკეთებს, რომ შეაძულოს საგნები და სწავლის პროცესი ბავშვებს“ – არჩილ გამზარდია

ანალიტიკოსი არჩილ გამზარდია:

„მოკლედ, დღეიდან ვიწყებ განათლების სამინისტროს მიერ შედგენილი ე.წ. კომპლექსური დავალებების გაცნობას თქვენთვის.

მარტივად შემიძლია გითხრათ, რომ ჩვენი განათლების სამინისტრო ყველაფერს აკეთებს რომ შეაძულოს საგნები და სწავლის პროცესი ბავშვებს.

1. როგორ შევაძულოთ ბავშვებს მუსიკა – განათლების სამინისტროს მიერ შედგენილი კომპლექსური დავალება პირველ კლასელი ანუ 6 წლის ბავშვებისათვის:

საგანი:მუსიკა

თემატური ბლოკი: მუსიკა და გარესამყარო

თემა: ხმების მრავალფეროვნება

კლასი: 1

 ბგერის სიძლიერე (ხმამაღალი, ხმადაბალი, ფორტე, პიანო)Ø

 ბგერის გრძლიობა (დიდი, საშუალო, მოკლე გრძლიობები)Ø

 ბგერი სიმაღლე (წვრილი, საშუალო სიმაღლის, ბოხი; მაღალი, საშუალო, დაბალი რეგისტრი)Ø

 ბგერის ტემბრი (უხეში, მჭექარე, დახშული, რბილი, წკრიალა, თბილი, სასიამოვნო/არასასიამოვნო)Ø

 დასაწყისიØ

 შუა ნაწილიØ

 დასასრულიØ

საკვანძო შეკითხვები:

როგორ გადმოიცემა ინფორმაცია ხმების საშუალებით?

როგორ ამოვიკითხო ინფორმაცია ხმებით?

როგორ გადმოვცე ინფორმაცია ხმებით?

კომპლექსური დავალების პირობა:

დააკვირდი არეულად განლაგებულ სურათებს. მოუსმინე ხმებს და ხმების მიხედვით შეართე ეს სურათები. მოყევი ამ სურათების მიხედვით ისტორია„უსინათლო გოგონასა და მის ძაღლზე“.

ინსტრუქცია:

ნამუშევრის წარდგენის დროს წარმოაჩინე:

• როგორ დავუკავშირო ხმები სურათებს

• როგორ ამოვიცნო ხმებით სიუჟეტი

• მოყევი ეს ისტორია ხმების და სურათების საშუალებით.

ეს ყველაფერი უნდა გააკეთოს 1 კლასის მოსწავლემ.

გაიგეთ რამე?

სხვა საგნებში კომპლექსური დავალებები არანაკლები ან მეტი სიმახინჯეა, რომელსაც შედეგად მოჰყვება სრული სიძულვილი ბავშვისგან ამ საგნების და სწავლის პროცესის მიმართ.

მომავალ ჯერზე მე-5 კლასის ე.წ. კომპლექსურ დავალებებს გაგაცნობთ.“