“ჩვენ ვართ განწყობის ხალხი… ჩემი მიზანია ახალი განწყობის შემოტანა” – პრეზიდენტი

პრეზიდენტმა სალომე ზურაბიშვილმა საახალწლო მიღებაზე მისულ პოლიტიკოსებს დამდეგი შობა-ახალი წელი მიულოცა და თქვა:

“არ დავმალავ, ჩემი მიზანია ატმოსფეროს შეცვლა და ახალი განწყობის შემოტანა, ჩვენ ვართ განწყობის ხალხი… მნიშვნელოვანია შეიცვალოს ის განწყობა, რომელიც აწვება ქვეყანას. ამითი არაფერი ახალი არ შემოვა, მაგრამ ეს არის პირველი ნაბიჯი. თუნდაც ეს ერთად დგომა არის პოზიტივი და პოზიტივი იქნება ხალხისთვისაც. პოლარიზაციამ გააჩერა, ჩაძირა ქვეყანა. ჩვენი სახელმწიფო 30 წლისაა, ზრდასრულია და დროა გამოვიდეთ ახალგაზრდული ჯახიდან და გადავიდეთ ახალ, დამწიფებულ პოლიტიკაზე. გავიარეთ რთული პროცესები, სულ იყო ორი ბანაკი და დაპირისპირება.”