“ჩვენ მწვანე ღილაკს ვაჭერთ ხელს იმიტომ, რომ ჩვენ ვასრულებთ ჩვენს ფორმალურ ვალდებულებას”

მამუკა მდინარაძემ პლენარულ სხდომაზე განცხადება გააკეთა:

„ჩვენ თითქმის საათზე მეტი ველოდეთ ნაციონალური მოძრაობის წარმომადგენლებს, რომ მოსულიყვნენ და მართალია, ფორმალური, მაგრამ თავიანთი უფლებამოსილება შეესრულებინათ. უფლებამოსილება, რომლის ფარგლებში როდესაც ერთი დეპუტატი, რომელიმე პარტიის წარმომადგენელი ტოვებს პარლამენტის რიგებს, მის ნაცვლად შემოდის მეორე. ეს არის წმინდა ფორმალური უფლებამოსილება.

ჩვენ ამაზე ვისაუბრეთ როდესაც ბატონი ნიკა მელია ისეთივე შეფასებით, როგორიც არის და არა ნაკლებით, ბადრი ბასიშვილი ტოვებდა პარლამენტს, მაშინ ჩვენ ვთქვით და ეს მართალია, რომ იყო ფორმალურად გადასაწყვეტი საკითხი, როდესაც კანონიერ ძალაშია შესული გამამტყუნებელი განაჩენი, მაშინ ჩვენ მწვანე ღილაკს ვაჭერთ ხელს იმიტომ, რომ ჩვენ ვასრულებთ ჩვენს ფორმალურ ვალდებულებას.

ამ გადაწყვეტილების რევიზიის უფლება სამწუხაროდ, ჩვენ არ გვაქვს. ამ შემთხვევაში ეს არის ამომრჩევლის ნება, მის რევიზიას ჩვენ ვერ გავაკეთებთ, ამიტომ ჩვენ ამ ფორმალურ უფლებამოსილების შევასრულებთ. შესაძლოა, ეს არავის უხაროდეს, მაგრამ დავეთანხმები ალბათ იმდენად სრცხვენიათ რომ ნაციონალურმა მოძრაობამ ვერ გაბედა თავიანთ თანაგუნდელთან დაკავშირებით ეს ფორმალური უფლებამოსილება შეასრულონ და ხელი დააჭიროთ მწვანე ღილაკს.

ამიტომ ჩვენ, მათ განუმარტავთ, რომ ეს არის საკითხი, რომელიც დღის წესრიგში არ დგება ხოლმე, იმიტომ რომ არსებობს პროცედურული დემოკრატია და პროცედურული დემოკრატიის ფარგლებში, ჩვენ და მე, პირადად მხარს დავუჭერთ ამ პროცედურული დემოკრატიის აღსრულებას და კიდევ ერთხელ დავანახებთ საზოგადოებას “ნაციონალური მოძრაობის” მხარდაჭერა რას ნიშნავს“

ცნობისთვის, პარლამენტში დღეს რიგგარეშე სხდომა მიმდინარეობს.

დღესვე დეპუტატები ნიკა მელიას ადგილმონაცვლის, ბადრი ბასიშვილის უფლებამოსილების საკითხს უყრიან კენჭს.

სხდომას პოლიტიკური ბოიკოტის გამო არ დაესწრებიან ფრაქცია “ნაციონალური მოძრაობა” და ფრაქცია „ევროპული საქართველოს” წევრები.