ჩვენ მხარს ვუჭერთ აფხაზეთსა და სამხრეთ ოსეთს და საქართველოს შორის ურთიერთობების ნორმალიზებას. ამის შესახებ რუსეთის საგარეო საქმეთა მინისტრმა სერგეი ლავროვმა განაცხადა. ინფორმაციას „ეხო კავკაზა“ ავრცელებს.
მისი თქმით, ქართულმა მხარემ დიდი ხნის წინ წამოაყენა ცხინვალთან და სოხუმთან ერთობლივი ეკონომიკური საქმიანობის იდეა, რაც რუსი მინისტრის აზრით, შეიძლება ნდობის აღდგენის წინაპირობა გახდეს.
„ურთიერთობების ნორმალიზებას მხარს ვუჭერთ, იქ არის დიალოგის მექანიზმი, რომელშიც ჩვენც ვმონაწილეობთ“ – განაცხადა ლავროვმა.
ამასთან სერგეი ლავროვმა ჟენევის დისკუსიებში დასავლეთის წარმომადგენლები გააკრიტიკა.
მისი თქმით, ევროკავშირი, ეუთო, გაერო და აშშ ცდილობენ, რომ ეს ფორმატი უკრაინის ამბების მძევლად აქციონ.
კომენტარები