ცოტა ხნის წინ საქართველოს პრეზიდენტის სალომე ზურაბიშვილის საგანგებო ბრიფინგი გაიმართა, ზურაბიშვილმა ევროკავშირში გაწევრიანებასთან დაკავშირებით მიღებულ კითხვარს ქვეყნის ისტორიაში მნიშვნელოვანი დღე უწოდა.
“დღეს არის საქართველოს ისტორიაში ერთ-ერთი ღირსშესანიშნავი დღე. ჩვენ მივიღეთ ევროკაშირისგან ის კითხვარი, რომელსაც არ ველოდით ალბათ რამდენიმე წელი, ესეც კარგად თუ გამოგვივიდოდა. ეს არის არაჩვეულებრივი შანსი, რაც გაუჩნდა ჩვენს ქვეყანას. ამისთვის უნდა ვუმადლოდოეთ ევროკავშირის ყველა ქვეყანას და ევროკავშირის ხელმძღვანელობას – კომისიას და ევროპულ საბჭოს. მაგრამ კიდევ უფრო უნდა ვუმადლოდეთ უკრაინას და უკრაინის ბრძოლას. რომ არ ყოფილიყო უკრაინის თავდადებული ბრძოლა, ალბათ ეს დღეც არ დადგებოდა, ყოველ შემთხვევაში ასე სწრაფად არ დადგებოდა.
ევროკავშირმა გამომდინარე ამ ტრაგიკული მდგომარეობიდან გამომდინარე გადაწყვიტა, აეჩქარებინა ეს პოროცესი და გაეხადა ეს პროცესი უფრო პოლიტიკური, ვიდრე ბიუროკრატიული. ეს იყო ის, რაც გავიგე, როცა ვიყავი ბრიუსელში…
ეს არ არის მხოლოდ კითხვარი და “კი” და “არას” გაცემა – ეს არის პასუხისმგებლობა ჩვენი ქვეყნისთვის. ჩვენ ვართ პასუხისმგებელი ჩვენი შემდეგი თაობის წინაშე. ჩვენ ან შევძლებთ ვუპასუხოთ ამ გამოწვევას ან ვერ შევძლებთ. მთლიანად ჩვენზეა დამოკიდებული და არავინ სხვაზე. ამისთვის მობილილზებული უნდა იყოს ყველა ძალები – ეს არის საკითხი, რომელიც ვერ გადაწყდება ერთი ჯგუფის მიერ. თუ რამეს ჰქვია ეროვნული, ეს არის ინტერესის ინტერესი…” – თქვა სალომე ზურაბიშვილმა.
კომენტარები