იაპონიის მთავრობას სურს, რომ უკრაინის საელჩომ თავი შეიკავოს რუსეთთან დაპირისპირებაში იაპონიის მოქალაქეების მოხალისეებად ჩართვისგან. ამის შესახებ ქვეყნის მინისტრთა კაბინეტის გენმდივანმა, ჰიროკაძუ მაცუნომ განაცხადა.
„იაპონიამ უკრაინაში მყოფ იაპონელებს ევაკუაციისკენ მოუწოდა. ჩვენ არ გვსურს, რომ იაპონელები გაემგზავრონ უკრაინაში, განურჩევლად მიზეზისა“, – განაცხადა მაცუნომ.
მანამდე იაპონიაში უკრაინის საელჩომ განაცხადა, რომ 70-მა იაპონელმა, მათ შორის თავდაცვის ძალების 50-მა ყოფილმა წევრმა უკრაინაში მოხალისედ გამგზავრების სურვილი გამოთქვა.
კომენტარები