,, ჩინეთი რა არის ყველამ კარგად იცის, მაგრამ თავს დაესხა აბრეშუმის გზის პროექტს, შეცდომაა” – რომან გოცირიძე

პარლმენტარი რომან გოცირიძე:

,,ანტიჩინური ისტერია ლამის ქართული ოცნების იმ კამპანიას დაემსგავა, 126 ათასი ჩინელის ჩამოსახლება რომ უნდოდა თურმე იმ ხელისუფლებას, თბილისის ზღვაზე “ჰუალინგის” მიერ აშენებულ ოლიმპიურ ქალაქში.

ერთი ამათ დამიხედეთ, “შუა დერეფანს” გვიშენებენო, რაღაც “ ერთი სარტყლის” გეგმას უჭერენ მხარსო და ა. შ. რას არ მოისმენ ტელეეკრანებიდან. არა და ამას ყველაფერს ის საოცნებო “აბრეშუმის გზა” ჰქვია, რომელიც არის რუსეთის გზის ალტერნატივა(ახლა განსაკუთრებით) და სადაც საქართველო თავის როლს ელოდება აგერ უკვე სამი ათეული წელია.

როცა ოპოზიცია არასწორად აყალიბებს დღის წესრიგს, ნუ გაგვიკვირდება, თუ ნდობის ხარისხიც ნაკლები იქნება ხალხში.

ჩინეთი რა არის ყველამ კარგად იცის, იმ ერთობლივი განცხადების პოლიტიკურ ნაწილში რა არის მიუღებელი, ესეც ნათელია, მაგრამ თავს დაესხა აბრეშუმის გზის პროექტს( მის გარეშე არც ანაკლიას აქვს აზრი), არის რბილად რომ ვთქვათ, შეცდომა.”