საქართველოს საზოგადოებრივ საქმეთა ინსტიტუტის (GIPA) პროფესორი, გიორგი კობერიძე:
“განახლება (22:30) 23 მარტი:
– უკრაინის სამხედრო ნაწილებმა სრულიად გაწმინდეს კიევის დასავლეთით მდებარე ქალაქი ირპინი, რომელიც მთელი საბრძოლო მოქმედებების პერიოდში რუსული არმიის ერთ-ერთ სამიზნეს წარმოადგენდა. დღეს ირპინის კონტროლი სამხედრო ძალებმა ადგილობრივ პოლიციას გადააბარეს, რაც 24 თებერვლის შემდეგ პირველად ხდება. უკრაინის არმიამ კიდევ უფრო დასავლეთით გადაინაცვლა ბუჩას მიმართულებით, რომელსაც ბოლო ორი კვირის გნამვლობაში რუსები აკონტროლებენ.
– კიევის ირგვლივ რუსული არმიის ნაწილები მცირე ალყაში მოხვედრის საშიშროების წინაშე დგანან. ირპინის დაკავებისა და სამხრეთიდან, ჟიტომირი-კიევის მაგისტრალის გასწვრივ, დასახლება მაკარივის გათავისუფლების შემდეგ უკრაინელებმა რუსული საცეცხლე პოზიციები რკალისებურ ალყაში მოაქცია, ზოგან კი თითქმის სრულიად არიან გარემოცულები. ახლა უკრაინელთა შეტევის შემთხვევაში ბევრი რამ შეიძლება გადაწყდეს ამ მიმართულებით.
– სამხრეთის მიმართლებით, წუხელ ჩერნიბაევკასთან მეცხრედ განადგურდა მიკოლაივი-ხერსონის გზაზე გაწელილი რუსული კოლონა. ეს ციფრი გადაჭარბებული სულაც არ გახლავთ, უბრალოდ რუსებს მიკოლაივისაკენ გაჭრის ერთადერთი შანსი სწორედ ამ სოფელზე გადის, რომელსაც უკრაინელები სამი საათის განმავლობაში ბომბავდნენ. ეს ნიშნავს იმას, რომ ამჯერად რუსების ერთ-ერთი ყველაზე მოზრდილი კოლონა იქნა განადგურებული. საინტერესოა კიდევ ერთიც: უკრაიენელბმა ხერსონის შემოგარენსაც კი მიაღწიეს.
– სამი დღეა ხარკოვის რაიონში უკრაინის არმია აღმოსავლეთისაკენ ინტენსიურ კონტრშეტევაზეა გადასული. ზოგიერთი მიმართულებით უკრაინულმა სამხედრო ნაწილებმა რუსებს სახელმწიფო საზღვრის მიმართლებითაც კი დაახევინეს უკან.
– ასევე ხარკოვის რაიონში მძიმე ბრძოლები მიმდინარეობს სტრატეგიული ქალაქი იზუმისათვის, რომლის ნაწილის დაკავებაც რუსეთმა რამდენიმე დღის წინ შეძლო. როგორც აღინიშნა ხარკივიდან დონეცკის რაიონში გადასასვლელი უმთავრესი გზა სწორედ იზუმზე გადის. უკრაინის არმიამ 24 საათია მასირებული შეტევა წამოიწყო ქალაქზე კონტროლის აღსადგენად და შეიძლება ითქვას რომ იზუმის უმეტეს ნაწილზე სრულფასოვანი კონტროლის დაბრუნება შეძლო კიდეც.
– რუსულმა სამხედრო ნაწილმა დონეცკის რაიონში უკრაინული ფრონტის ხაზის გარღვევა ქალაქი დონეცკის ჩრდილოეთით დასახლება ვერხნოტორეცკის მიმართულებით შეძლო. მოგახსენებთ, რომ სწორედ დონეცკის რაიონში უკრაინელბს სანგრებითა და თავდაცვის ზღუდეებით ფრონტის ხაზი ჰქონდათ შექმნილი, რის გამოც ნებისმიერი გარღვევა საერთო უსაფრთხოებისათვის ყოველთვის ძალიან საშიშია.
– გრძელდება ბრძოლა მარიუპოლისათვის. დღეს უკრაინელებმა აღადგინეს კონტროლი ქალაქის ჩრდილოეთ ნაწილზე. აიყვანეს ტყვეებიც კი. დონბასში ბაზირებული რუსული არმიის ნახევარი მარიუპოლის ჩრდილოეთ დას აღმოსავლეთ მიმართულებას უტევს და კვლავაც უშედეგოდ.
– ნატოს სახელმწიფოებმა და შვედეთმა (რომელიც ნატოს წევრი არ არის) უკრაინისათვის დიდი რაოდენობით ახალი ანტისატანკო და ანტისაჰაერო იარაღის გადაცემა დააანონსა. ეს კი შეიძლება იმის მანიშნებელი იყოს, რომ ძველი პარტია უკვე ჩავიდა.
– უკრაინელები არამხოლოდ ბაირაქტერების ტიპის დრონებს იყენებენ რუსული კოლონების წინააღმდეგ, არამედ სადაზვერვო ტიპისაც, რისი მეშვეობითაც ისინი ასწორებენ სამიზნეს, რასაც უზუსტესი საარტილერიო იერიშები მოყვება ხოლმე. მსგავსი რამ მოხდა დღეს ჩერნიჰივის რაიონშიც, სადაც რუსული სადაზვერვო ასეული განადურდა.”
კომენტარები