“ჩემი სურათი გაიკარით “სპალნაში” და არ დაორსულდებითო” – ივანიშვილის სასტუმროს თანამშრომლები შრომის უფლებების დარღვევაზე საუბრობენ

ფოტო – ტვ პირველი

ბიძინა ივანიშვილის სასატურმო “პარაგრაფის” თანამშრომლები არაადამიანურ სამუშაო გარემოზე საუბრობენ. 

სასტუმროს თანამშრომელი მედიასთან ყვება, რომ მათ სასტუმროს მენეჯერი უფლებების დარღვევით ამუშავებს. მისი თქმით, ორსულებს სამსახურიდან ყრიან და 12 საათიანი სამუშაო დროის განმავლობაში თანამშრომლებს კვების და დასვენების დროც არ აქვთ.

“დილა იწყებოდა ნეგატივით და მთავრდებოდა ვირული, მონური სამუშაო დღე გრძელდებოდა, კატასტროფული დღეები იყო. 12 საათი ვმუშაობდი და საჭმლის უფლება გვქონდა 2-ჯერ, მაგრამ ზაზა არ გვიშვებდა ორჯერ, უჭმელს გვტოვებდა სპეციალურად, შეგაბრუნებდა 9-ჯერ ნომერში. და გაგაკეთებინებდა ერთიდაიგივე რაღაცას. მე გამომაცხადა პრობლემურ თანამშრომლად იმიტომ, რომ ვერასოდეს ვერ ვეგუებოდი სადიზმს, არაადამიანურ მოპყრობას და შეურაცხყოფას. თუ დაორსულდებოდა რომელიმე ქალბატონი გიჟს გავდა. ჩემი სურათი გაიკარით “სპალნაში” და არ დაორსულდებითო”

სასტუმრო “პარაგრაფის” დასუფთავების სამსახურის ხელმძღვანელი, ზაზა ოქროპირიძე ბრალდებებს უარყოფს და აცხადებს, რომ თანამშრომლებმა ფაქტები მოიგონეს. 

წყარო – ტვ პირველი