მომავალ დაბადების დღეს აქ არ უნდა იყოს, არც ციხეში უნდა იყოს, მას ეს არ დაუმსახურებია. ამ ადამიანმა საქართველოსგან, უკრაინისგან, ყოფილი სისტემის დანგრევისთვის მხოლოდ მადლობა დაიმსახურა, – ამის შესახებ საქართველოს მესამე პრეზიდენტის დედამ, გიული ალასანიამ ჟურნალისტებს კლინიკა „ვივამედთან“, შვილის მონახულებამდე განუცხადა.
გიული ალასანია ასევე, გამოეხმაურა სპეციალური პენიტენციური სამსახურის სამედიცინო დეპარტამენტის ხელმძღვანელის განცხადებებს და აღნიშნა, რომ მალხაზ ურთქმელიძის განცხადებები მისთვის სანდო და მისაღები არაა.
„არ არის ეს განმარტება ჩემთვის მისაღები. გვაქვს ჩვენ კალიფორნიის ლაბორატორიის დასკვნა და ის არის ჩემთვის არგუმენტი და დასკვნა. არ არის ეს {პენიტენციური სამსახურის} დასკვნა სწორი. ვერაფერს დაამტკიცებს [მალხაზ ურთქმელიძე], მოუტანოს თავისი არგუმენტები კალიფორნიის ტოქსიკოლოგებს“, – განაცხადა ალასანიამ.
კომენტარები